{"id":1448,"date":"2020-04-24T21:21:16","date_gmt":"2020-04-24T20:21:16","guid":{"rendered":"https:\/\/dev.culturalgijonesa.org\/lurbanismu-que-vien-llecciones-de-la-crisis-global\/"},"modified":"2020-04-24T21:21:16","modified_gmt":"2020-04-24T20:21:16","slug":"lurbanismu-que-vien-llecciones-de-la-crisis-global","status":"publish","type":"post","link":"https:\/\/www.culturalgijonesa.org\/ast\/lurbanismu-que-vien-llecciones-de-la-crisis-global\/","title":{"rendered":"L’urbanismu que vien: llecciones de la crisis global"},"content":{"rendered":"

Manuel Maur\u00edn \u00c1lvarez<\/strong> ye profesor titular de An\u00e1lisis Rexonal de la Universid\u00e1 d’Uvi\u00e9u<\/p>\n

Tr\u00e9s crisis grandes espa\u00f1aron darr\u00e9u nos \u00faltimos a\u00f1os: la econ\u00f3mica, la clim\u00e1tica y, p\u00a1acabar, la sanitaria. Ca\u00fana d’elles por separ\u00e1u y toes en xunto (como una crisis global) apunten al ocasu del sistema capitalista dominante, siquier na so versi\u00f3n m\u00e1s radicalizada y neolliberal, de la qu’abren cam\u00edn pa enfilar el desmontaxe y la reestructuraci\u00f3n fonda de munchos de los sos componentes estructurales, ente ellos los que se manifiesten nel planu territorial y urban\u00edstico,<\/p>\n

N’efectu, con estes crisis rescamplen les contradicciones fondes d’esi sistema y les sos consecuencies devastadores na socied\u00e1 y la naturaleza, pero faciliten tami\u00e9n la llectura de les claves que dexen dirixir el procesu del camb\u00e9u na direcci\u00f3n afayadiza. Una direcci\u00f3n que tien de allo\u00f1ar lo m\u00e1s posible del aldu precedente, pero que nun puede desentendese de les mancaures heredaes nin desendolcase, a curtiu o mediu plazu, n’otru contestu que nun s\u00eda’l de la mesma crisis.<\/p>\n

Dende’l puntu de vista urban\u00edsticu la crisis econ\u00f3mica de la primer d\u00e9cada del sieglu caracteriz\u00f3se, especialmente n’Espa\u00f1a, pola xeneraci\u00f3n d’un inmensu escedente de suelu, infraestructura, equip\u00e1u y vivienda (\u201cla burbuya del lladriyu\u201d) que termin\u00f3 colapsando’l sistema financieru, dedic\u00e1u los a\u00f1os primero na inversi\u00f3n y la especulaci\u00f3n inmobiliaria. Y too nun contestu ultraliberal de desregulaci\u00f3n de la normativa urban\u00edstica, d’ausencia de tresparencia y de corrupci\u00f3n xeneralizao.<\/p>\n

El fundimientu del sector de la construcci\u00f3n y les obres ensin afechar, la delda privada que se trespas\u00f3 al sector p\u00fablicu, los desahucios, l’aumentu de la precaried\u00e1 y la esclusi\u00f3n, son les buelgues m\u00e1s evidentes y dolioses d’aquella crisis y dellos organismos internacionales amosaron al travi\u00e9s de diversos documentos (como l’Axenda 2030 de la ONU o la Nueva Axenda Urbana H\u00e1bitat III) cualos tendr\u00eden de ser les directrices pa un nuevu urbanismu sostenible que superara definitivamente esa etapa nefasta: contenci\u00f3n del crecimientu descoman\u00e1u, priorid\u00e1 de les actuaciones de rexeneraci\u00f3n y rehabilitaci\u00f3n con nuevos modelos habitacionales, inclusi\u00f3n social y de x\u00e9neru o participaci\u00f3n ciudadana nel dise\u00f1u de les ciudaes y de la socied\u00e1 nes plusval\u00edes de l’activid\u00e1 urban\u00edstica (que tami\u00e9n se recueye nel art\u00edculu 47 de la Constituci\u00f3n Espa\u00f1ola), ente otres.<\/p>\n

L\u00f3xicamente, la cuesti\u00f3n ambiental tami\u00e9n ocupa un llugar central na estratexa pa superar el modelu hered\u00e1u del desarrollismo, pero gan\u00f3 ent\u00e1 mayor impulsu seg\u00fan avanzaba la conocencia sobro’l camb\u00e9u clim\u00e1ticu, la constataci\u00f3n del so agravamientu aceler\u00e1u y de los sos efectos a nivel mundial y en cada pa\u00eds.<\/p>\n

Na llucha contra la crisis clim\u00e1tica les tresformaciones urbanes tienen una importancia especial, tantu para amenorgar la emisi\u00f3n de gases d’efectu invernaderu col camb\u00e9u del modelu de xeneraci\u00f3n (enerx\u00eda anovable), l’adaptaci\u00f3n de les edificaciones pal aforru (\u201cpassive house\u201d ) y el camb\u00e9u de les pautes de consumu enerx\u00e9ticu, como mediante procesos de sustituci\u00f3n d’infraestructura gris por sistemes integraos d’infraestructura verde que dexen la retenci\u00f3n de carbonu, la mitigaci\u00f3n de los efectos d’isla t\u00e9rmica\u201d o de los previsibles inundaciones.<\/p>\n

La crisis sanitaria tami\u00e9n empieza a apurrir ense\u00f1os que tendr\u00e1n de ser incorporaos na planificaci\u00f3n futura de les ciudaes y del territoriu. Frente a la dispersi\u00f3n, la estrema divisi\u00f3n espacial del trabayu y la deslocalizaci\u00f3n va facer bona falta garantizar l’autoabastecimientu de bienes y servicios en periodos d’emerxencia y dar un impulsu definitivu a la producci\u00f3n y comercializaci\u00f3n de proximid\u00e1, la soberan\u00eda alimentaria o la implantaci\u00f3n de les pr\u00e1ctiques de metabolismu urbanu y econom\u00eda circular.<\/p>\n

Ente tolos componentes qu’afiten el modelu urbanu alternativu destaca finalmente’l que tien un calter m\u00e1s tresversal ya integrador, el de la movilid\u00e1; sobremanera la de llarga distancia, pero tami\u00e9n la d’escala rexonal o metropolitana y, especialmente, la que menos sostenible resulta dende’l puntu de vista econ\u00f3micu, ambiental y de la sal\u00fa: l’autom\u00f3vil particular, l’aviaci\u00f3n y los grandes buques.<\/p>\n

L’oxetivu del amenorgamientu de la movilid\u00e1 y del so camb\u00e9u modal afecta de manera sustancial al sistema econ\u00f3micu, social y territorial (especialmente n’actividaes mundializaes y en sectores como’l del turismu de mases o’l tresporte de mercanc\u00edes) y tendr\u00eda notables efectos sobro la configuraci\u00f3n del modelu de producci\u00f3n, de distribuci\u00f3n y d’ociu. Poro ye una cuesti\u00f3n de suma importancia y una\u00a0 piedra angular pa la trasformaci\u00f3n sustancial del modelu urbanu en toles escales.<\/p>\n

Uvi\u00e9u 16\/04\/2020<\/p>\n","protected":false},"excerpt":{"rendered":"

Manuel Maur\u00edn \u00c1lvarez ye profesor titular de An\u00e1lisis Rexonal de la Universid\u00e1 d’Uvi\u00e9u Tr\u00e9s crisis grandes espa\u00f1aron darr\u00e9u nos \u00faltimos a\u00f1os: la econ\u00f3mica, la clim\u00e1tica y, p\u00a1acabar, la sanitaria. Ca\u00fana d’elles por separ\u00e1u y toes en xunto (como una crisis global) apunten al ocasu del sistema capitalista dominante, siquier na so versi\u00f3n m\u00e1s radicalizada y […]<\/p>\n","protected":false},"author":1,"featured_media":1446,"comment_status":"open","ping_status":"open","sticky":false,"template":"","format":"standard","meta":{"_et_pb_use_builder":"","_et_pb_old_content":"","_et_gb_content_width":"","_vp_format_video_url":"","_vp_image_focal_point":[],"footnotes":""},"categories":[170],"tags":[],"class_list":["post-1448","post","type-post","status-publish","format-standard","has-post-thumbnail","hentry","category-opinion-ast"],"aioseo_notices":[],"aioseo_head":"\n\t\t\n\t\n\t\n\t\n\t\n\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t