{"id":3856,"date":"2023-07-03T16:15:41","date_gmt":"2023-07-03T15:15:41","guid":{"rendered":"https:\/\/dev.culturalgijonesa.org\/construyendo-una-etica-sobre-la-imaxen-ayena\/"},"modified":"2023-07-03T22:29:50","modified_gmt":"2023-07-03T21:29:50","slug":"construyendo-una-etica-sobre-la-imaxen-ayena","status":"publish","type":"post","link":"https:\/\/www.culturalgijonesa.org\/ast\/construyendo-una-etica-sobre-la-imaxen-ayena\/","title":{"rendered":"Construyendo una \u00e9tica sobre la imaxen ayena"},"content":{"rendered":"

Iris D\u00edaz Trancho<\/strong> ye maestra y escritora<\/p>\n

Nos a\u00f1os ochenta mio padre quixo sac\u00e1-y una semeya a un home que vend\u00eda artesan\u00eda nuna carretera de Los Llanos de Venezuela, a la vera l\u2019Orinocu. Taba vest\u00edu cola ropa propia de los Pum\u00e9, \u00fan de los pocos pueblos ind\u00edxenes que queden y\u00e1 nel pa\u00eds. Mio madre acababa de compra-y un par d\u2019arcos, y la transaci\u00f3n imaxen-recuerdu pa turistes paec\u00eda xusta, pero n\u2019aquel tiempu nun yeren tantes les persones que carretaben con una reflex y al home prest\u00f3-y especialmente qu\u2019aquel \u201creporteru\u201d-y pidiere permisu pa retratalu.<\/p>\n

– Yo siempre tuvi muncha gana de conocer Espa\u00f1a \u2013 d\u00edxo-y, nuna visi\u00f3n amable de les semeyes, na que, en cuenta robar almes, tresp\u00f3rtenles.<\/p>\n

L\u2019afici\u00f3n a la fotograf\u00eda de mio padre hered\u00e1mosla los f\u00edos y, nunos a\u00f1os, vime yo tami\u00e9n carretando cola reflex na maleta (ye un dicir, avidentemente siempre conmigo arriba) nel razonable periplu vital viaxeru de los venti a\u00f1os. Naquel momentu, muncho m\u00e1s democratizao lo de les c\u00e1mares, y\u00e1 nun fac\u00eda falta ser un periodista gr\u00e1ficu de National Geographic p\u2019aburrir a parentela y amitaes coles semeyes art\u00edstiques del \u00faltimu viaxe. Cola imaxen del ascena indiu cola mirada perdida, la muyer marroquina nel merc\u00e1u, los ne\u00f1os africanos colos pies descalzos. Y y\u00e1 daquella (nun pasaron tantos a\u00f1os, contra, nun soi tan vieya), ten\u00eda claro que les semeyes a persones diben ser siempre con permisu, espl\u00edcitu hacia m\u00ed o impl\u00edcitu nel artista que forma parte d\u2019un espect\u00e1culu, un desfile o vende la so imaxen por unes poques perres. D\u2019otra manera, semeyes a distancia o del cogote. Menos lucides pero m\u00e1s \u00e9tiques coles persones que-y ponen color a la proyecci\u00f3n fotogr\u00e1fica de mochil\u00e9u chachiguai que vas facer a la vuelta. Ser\u00e1 que non solo heredamos el gustu polos oxetivos, tami\u00e9n el sentimientu de pueblu ind\u00edxena que tarrez ver a so g\u00fcela retratada mientres riega les plantes en batona, nam\u00e1s por llevar madre\u00f1es. S\u00ed, pa eso tami\u00e9n val la identid\u00e1. Y la empat\u00eda.<\/p>\n

Pues si nos noventa y los dosmiles (\u00bfdirase asina?) lleg\u00f3 la democracia a les c\u00e1mares, na d\u00e9cada de la imaxen na que vivimos l\u2019afici\u00f3n a retratar, retratase y aburrir a parentela y amistaes en tiempu real, ye una realid\u00e1 que llevamos nel bolsu y llamamos tel\u00e9fonu m\u00f3vil. C\u00e1sique tol mundu tien na mano, una parte muy importante del d\u00eda, una gran antena que recueye, da dimensi\u00f3n y fai viaxar los conten\u00edos gr\u00e1ficos que capta; pero tami\u00e9n los que recibe al travi\u00e9s d\u2019un amigu o una t\u00eda que ta a dos mil persones de distancia de la mano que-y dio al \u201cclic\u201d per primer vez.<\/p>\n

\"Semeya<\/a>

Essaouira (Marruecos), Iris D\u00edaz Trancho<\/p><\/div>\n

Y\u00e1 superamos ampliamente los tiempos nos que busc\u00e1bemos n\u2019Internet el videu de la \u201cDroja en el Colacao\u201d pa morinos de la risa, y\u00e1 non pol probe Jos\u00e9 Tojeiro y la so imprudencia p\u2019abrir la puerta casa; sin\u00f3n por ver la imitaci\u00f3n d\u2019esi amigu que lu clava. Los videos \u201cvirales\u201d y\u00e1 nun salen d\u2019un reportaxe de la tele o una semeya na portada d\u2019una revista de la que pues arrepentite. Los conten\u00edos salen, dacuando de manera inocente, otres intencionada, de la semeya o grabaci\u00f3n que compartimos nes redes sociales, nel grupu de WhatsApp. Como la d\u2019aquella ne\u00f1a que falaba col pitu mientres que dibuxaba, un videu que vieron millones de persones y que sali\u00f3 del grupu familiar. La difusi\u00f3n de la vida que garramos col m\u00f3vil marcha de les nuestres manes nel momentu del \u201cclic\u201d, porque y\u00e1 nun tamos nuna proyecci\u00f3n nel sal\u00f3n de casa, tamos nun gran escenariu na que la to imaxen pue ser escusa pa decir tolo que-y pete al que la recibe. Asina ye que la inocente madre de \u201cla que has liao pollito\u201d, tuvo qu\u2019esplicar nuna entrevista pa la radio (esto sentilo yo, coles mios oreyines) que\u2019l pit\u00edn en cuesti\u00f3n yera de casa, que taba bien cuid\u00e1u y qu\u2019ellos ten\u00eden piteru y caser\u00eda; retrucando asina a les amenaces de dalgunos chiflaos que se fac\u00eden llamar animalistes. Asina tamos.<\/p>\n

Nun se vos, pero ye raru\u2019l d\u00eda que nun me sal un videu o una semeya robada na \u00fanica rede social que me queda. Cot\u00edcense especialmente les de la xente mayor, pareyes de vieyinos de la mano, amigues tomando un vinu o baillando nun conciertu. Tami\u00e9n les de los ne\u00f1os y ne\u00f1es con perros o gatos, o peg\u00e1ndose un casta\u00f1azu a lo \u201cV\u00eddeos de primera\u201d. Cola \u00fanica diferencia de que daquella yeren les families les que mandaben esi VHS que se proyectaba una \u00fanica vez. L\u2019orixe de la imaxen del menor y lo que puedan facer d\u2019\u00e9l les dos mil persones de la cadena nun paez danos muncho m\u00e1s. Y doi gracies cada d\u00eda por tener una vida \u201cnaif\u201d nel algoritmu, porque nun se si podr\u00eda coles im\u00e1xenes robaes de la pareyina que ta achuch\u00e1ndose na playa, la moza a la que les matones del institutu acorralen nel ba\u00f1u o\u2019l meme del alumnu gay o de necesidaes de la clase que circula como la p\u00f3lvora. Depu\u00e9s queremos mentes equilibraes na adolescencia.<\/p>\n

Si fui quien a construir bien esti relatu que llevaba meses na mio cabeza, la conclusi\u00f3n c\u00e1sique nun fai falta nin ponela. Toles persones somos reporteros con una reflex al llombu, pero non toos queremos viaxar a to casa, al to sal\u00f3n, o a ning\u00fan sitiu. Primero de da-y al \u201cclic\u201d a una persona desconocida pa depu\u00e9s morite de risa a lo Tojeiro, piensa un poco si quer\u00edes ver a to g\u00fcela nesa situaci\u00f3n. M\u00e1s empat\u00eda o polo menos un poco d\u2019educaci\u00f3n. Pide\u2019l pu\u00f1eteru permisu.<\/p>\n","protected":false},"excerpt":{"rendered":"

Iris D\u00edaz Trancho ye maestra y escritora Nos a\u00f1os ochenta mio padre quixo sac\u00e1-y una semeya a un home que vend\u00eda artesan\u00eda nuna carretera de Los Llanos de Venezuela, a la vera l\u2019Orinocu. Taba vest\u00edu cola ropa propia de los Pum\u00e9, \u00fan de los pocos pueblos ind\u00edxenes que queden y\u00e1 nel pa\u00eds. Mio madre acababa […]<\/p>\n","protected":false},"author":1,"featured_media":1660,"comment_status":"open","ping_status":"open","sticky":false,"template":"","format":"standard","meta":{"_et_pb_use_builder":"","_et_pb_old_content":"","_et_gb_content_width":"","_vp_format_video_url":"","_vp_image_focal_point":[],"footnotes":""},"categories":[252,170],"tags":[],"class_list":["post-3856","post","type-post","status-publish","format-standard","has-post-thumbnail","hentry","category-arte-ast","category-opinion-ast"],"aioseo_notices":[],"_links":{"self":[{"href":"https:\/\/www.culturalgijonesa.org\/ast\/wp-json\/wp\/v2\/posts\/3856","targetHints":{"allow":["GET"]}}],"collection":[{"href":"https:\/\/www.culturalgijonesa.org\/ast\/wp-json\/wp\/v2\/posts"}],"about":[{"href":"https:\/\/www.culturalgijonesa.org\/ast\/wp-json\/wp\/v2\/types\/post"}],"author":[{"embeddable":true,"href":"https:\/\/www.culturalgijonesa.org\/ast\/wp-json\/wp\/v2\/users\/1"}],"replies":[{"embeddable":true,"href":"https:\/\/www.culturalgijonesa.org\/ast\/wp-json\/wp\/v2\/comments?post=3856"}],"version-history":[{"count":1,"href":"https:\/\/www.culturalgijonesa.org\/ast\/wp-json\/wp\/v2\/posts\/3856\/revisions"}],"predecessor-version":[{"id":3858,"href":"https:\/\/www.culturalgijonesa.org\/ast\/wp-json\/wp\/v2\/posts\/3856\/revisions\/3858"}],"wp:featuredmedia":[{"embeddable":true,"href":"https:\/\/www.culturalgijonesa.org\/ast\/wp-json\/wp\/v2\/media\/1660"}],"wp:attachment":[{"href":"https:\/\/www.culturalgijonesa.org\/ast\/wp-json\/wp\/v2\/media?parent=3856"}],"wp:term":[{"taxonomy":"category","embeddable":true,"href":"https:\/\/www.culturalgijonesa.org\/ast\/wp-json\/wp\/v2\/categories?post=3856"},{"taxonomy":"post_tag","embeddable":true,"href":"https:\/\/www.culturalgijonesa.org\/ast\/wp-json\/wp\/v2\/tags?post=3856"}],"curies":[{"name":"wp","href":"https:\/\/api.w.org\/{rel}","templated":true}]}}