{"id":4258,"date":"2024-05-12T10:15:02","date_gmt":"2024-05-12T09:15:02","guid":{"rendered":"https:\/\/dev.culturalgijonesa.org\/el-mundu-de-la-fuercia-y-la-izquierda\/"},"modified":"2024-05-12T10:15:02","modified_gmt":"2024-05-12T09:15:02","slug":"el-mundu-de-la-fuercia-y-la-izquierda","status":"publish","type":"post","link":"https:\/\/www.culturalgijonesa.org\/ast\/el-mundu-de-la-fuercia-y-la-izquierda\/","title":{"rendered":"El mundu de la fuercia y la izquierda"},"content":{"rendered":"

Oliverio Mart\u00ednez Cepedal\u00a0 <\/strong>ye profesor de filosof\u00eda y directivu de la SCG<\/p>\n

El ximnasiu, el tatami, el cuadril\u00e1teru, la carrera de monte… Espa\u00f1a ye un de los pa\u00edses que m\u00e1s porcentaxe de PIB dedica a esti tipu d’actividaes. Pr\u00e1cticamente nun hai llugar que nun tenga dalg\u00fan tipu d’artefactu cultural para aguiyase y desenvolvese deportivamente. Dende’l f\u00fatbol que casi lleg\u00f3 al nivel de relix\u00f3n laica hasta asociaciones peque\u00f1es de deportes aut\u00f3ctonos como los bolos o’l deporte tradicional. Am\u00e1s d’eses considerables cuant\u00edes econ\u00f3miques esisten aspectos culturales y pol\u00edticos bien interesantes, talo ye que nos ximnasios am\u00e1s de llevantar bones cargues de fierro tami\u00e9n se cocinen opiniones pol\u00edtiques que se vuelven tresversales ente esfuerzu y esfuerzu. Va paecer incre\u00edble pa dalgunos, pero hai m\u00e1s espacios pa la cultura y la pol\u00edtica m\u00e1s all\u00e1 de los caf\u00e9s onde suena John Coltrane indiscriminadamente. Los ximnasios son espacios culturales comu\u00f1ales onde una bona parte de les clases populares van a escaecer la so esplotaci\u00f3n cotidiana del home pol home. Y\u00e1 nos lo cuntaba Jacques Ranci\u00e8re en La nueche de los proletarios, ell\u00ed onde hai xuna comunid\u00e1 de trabayadores folgando de la xornada llaboral surde la mofla, la sorna y l’iron\u00eda de los qu’apoderen les sos vides nes xornaes llaborales. Igual pasa nos centros deportivos d’una manera m\u00e1s f\u00edsica. Les demostraciones de fuerza soced\u00edes nos ximnasios constanten qu’inda hai puxu na naturaleza esplotada del trabayador\/a como pa entrenar un pocu m\u00e1s y crear, cola ayuda de los compa\u00f1eros\/es d’entrenamientu, un f\u00edsicu s\u00f3lidu, capaz y vivu. La autopaideia lliberadora del exerciciu f\u00edsicu ta acompa\u00f1ada por una solidarid\u00e1 org\u00e1nica colos compa\u00f1eros, que bazcuyen dende’l competidor solidariu, hasta l’animador m\u00e1s humilde. Lo mesmo asocede nos deportes de contactu y de fuerza, de fechu equ\u00ed t\u00e1 una de les grandeces del mundu de la fuercia, el compa\u00f1erismu sinceru, la capacid\u00e1 de autopoiesis colectiva capaz de reconectar a la persona col so cuerpu depu\u00e9s d’una dura xornada de trabayu, xornada onde’l so cuerpu tuvo conect\u00e1u a una m\u00e1quina pa satisfaer la fase granible de la mercanc\u00eda.<\/p>\n

El sudu dignifica si ye compart\u00edu, los entrenamientos en realid\u00e1 son rituales d’acercamientu ente les persones. Acercamientos que s’enconten nel respetu y na reconocencia del otru y del so humilde esfuerzu nel entrenu, s\u00eda esti de la proporci\u00f3n que s\u00eda. Esiste una muda guapura nel movimientu call\u00e1u del esfuerzu humanu, un formosu danciar de virt\u00faes. Por eso’l gran p\u00fablicu emocionase colos entrenamientos de Rocky pelos barrios de la ciud\u00e1: agora entendemos la famosa secuencia de les escaleres del mus\u00e9u d’Arte de Filadelfia a ritmu de Gonna Fly Now<\/p>\n

EL SER COL OTRU, LA LLUCHA COL OTRU<\/h2>\n

Alex Honneth na so obra Llucha pola reconocencia<\/em> entiende que’l principiu antropol\u00f3xicu fundamental ye que \u201cl’home solo ye home col home\u201d. El ser humanu pa construyir una identid\u00e1 estable y plena precisa d’otros seres humanos, pela cueta l’ausencia d’esta reconocencia de \u201cl’otru\u201d ye lo que nos lleva al despreciu, al vaciu y a la humildaci\u00f3n. Pa Honneth puede fomentase la reconocencia a partir de la valoraci\u00f3n, asina los deportistes van a los centros deportivos a xenerar una identid\u00e1 col otru a partir de la valoraci\u00f3n del so esfuerzu y de les sos capacidaes. Eh\u00ed danse\u00a0 llazos fraternales comunitaristes de distintes intensidaes. Nos deportes de contactu anque paezan deportes individualistes asoceden de cutio din\u00e1miques grupales de solidarid\u00e1 igualitaria. Les t\u00e9cniques de llucha apri\u00e9ndense amodo y precisen de compa\u00f1eros de pr\u00e1ctica, d’animadores. Am\u00e1s dientro del combate y les sos pr\u00e1ctiques esisten ferreos c\u00f3digos ente los sos participantes, c\u00f3digos que nieguen la violencia desafranada que los ayenos creen esistente. La violencia queda aisllada y resignificada a partir rituales rellacionaos colos espacios de llucha, el tatami, el tap\u00edz, el ring\u2026 Esos c\u00f3digos internos reflexen conductes de reconocencia de los iguales na llucha, saludos al recintu, saludos al \u00e1rbitru, saludu al rival ya inclusive a la fin del combate reconocencia del rival y de la so capacid\u00e1 de llucha. Pocos procesos podemos atopar m\u00e1s cuidadosos ya igualitarios que’l descritu. En realid\u00e1 tolo desplicao hasta agora trata de demostrar que los centros deportivos, y les actividaes que s’exercen nellos, son en realid\u00e1 un\u00a0 reflexu d’una otreidad latente, son la constataci\u00f3n de la potencialid\u00e1 d’esistencia d’un mundu distintu al mundu capitalista aceler\u00e1u y dominante. El fil\u00f3sofu Herbert Marcuse entiende qu’hai una salida pa la xaula de los placeres capitalista, una salida al travi\u00e9s d’una activid\u00e1 espont\u00e1nia capaz de entamar un venceyu er\u00f3ticu comu\u00f1al col otru. Marcuse refierse a esta problem\u00e1tica na so oposici\u00f3n entre Orfeo y Narcisu. El eros \u00f3rfico llibera potencialidaes org\u00e1niques que pueden suponer un cam\u00edn alternativu al marc\u00e1u pola socied\u00e1 acelerada del rendimientu continuu. Lluchar pa ser col otru, entrenar pa vese reconoc\u00edu y reconocer al otru, esta manera de tar nel mundu, esta vuelta del ser en \u201cen s\u00ed\u201d ye contraria al capitalismu y polo tanto puede ser xuna v\u00eda de lliberaci\u00f3n. A toa fonte de lliberaci\u00f3n bonal puede soceder una esviaci\u00f3n represiva de la mesma, el narcisismu. El narcisismu ye’l ensimismamiento de la pulsi\u00f3n libidinal nuna proyecci\u00f3n escomanada del ego, pulsi\u00f3n capaz d’ignorar que la imaxe qu’ama ye’l reflexu de s\u00ed mesmu alteriada. Esto ye l’empiezu de l’anulaci\u00f3n de les potencialidaes de lliberaci\u00f3n, y ye precisamente por onde s’enfusen los valores t\u00edpicos del capitalismu, rendimientu, c\u00e1lculu, instrumentalidad, competencia y el valor mercanc\u00eda. Los ximnasios perdieron el so esp\u00edritu, esiste una creciente McDonalizaci\u00f3n de los centros deportivos. Centros deportivos convert\u00edos en franquicies del deporte qu’establecen unes caracter\u00edstiques de competitivid\u00e1, aceleraci\u00f3n, rendimientu y narcisismu. Equ\u00ed vemos el termidor capitalista capaz d’aniquilar les capacidaes lliberadores enantes esplicaes. Nestos non-llugares ye onde abonden el siguidores de Llados, individualistes patol\u00f3xicos que creen poder llograr por sigo mesmos una imaxe d’\u00e9situ a partir de la autoexplotaci\u00f3n del so propiu cuerpu. Creen el so propiu productu mercantil pa vendelu sexualmente al travi\u00e9s d’una rede social pa cites, equ\u00ed tenemos l’avernu de les potencialidaes libidinales er\u00f3tiques enantes mentaes.<\/p>\n

LA C\u00c1MARA DE ECU<\/h2>\n

Marcuse nel so c\u00e9lebre obra L’home Unidimensional<\/em> alet\u00e1bamos del espoxigue d’una socied\u00e1 apoderada por “La racionalid\u00e1, seg\u00fan la eficiencia del aparatu tecnol\u00f3xicu y l’altu grau de productivid\u00e1 llogr\u00e1u por esti, lleven a una coordinaci\u00f3n y manipulaci\u00f3n totales, llograes, en gran parte, por m\u00e9todos invisibles y placenteros. Estos m\u00e9todos producen la perda d’autonom\u00eda y llibert\u00e1 individual a pesar del grau aparentemente alz\u00e1u d’independencia que prevalez na socied\u00e1”. Seg\u00fan Marcuse la industria cultural ye manifiestamente capaz d’establecer complexos simulacros de relaci\u00f3n xenuina ente los seres a partir de la mercanc\u00eda. Tenemos entrenadores per Youtube, compa\u00f1eres de sala engolaes al autov\u00eddeu pa promocionar les sos redes sociales y a compa\u00f1eros que rixen el so rendimientu deportivu por una competitivid\u00e1 est\u00e9tica de likes en Instagram. La descripci\u00f3n ye realista, pero la industria cultural non habita nam\u00e1s nos centros deportivos, tami\u00e9n nos llugares onde alleguen perfiles m\u00e1s \u201calternativos al sistema\u201d. Asina, esisten llibrer\u00edes y cafeter\u00edes perfectamente dise\u00f1aes pa causar el simulacro de otreidad, esisten centros de meditaci\u00f3n colapsaos por t\u00f3picos de sabidur\u00eda oriental totalmente instrumentalizados pol capital. Dalgunos cr\u00e9ense llibres y ye precisamente esta imaxe narcisista la que los adientra na reificaci\u00f3n. D’esto tami\u00e9n falaba Adorno na so Dial\u00e9ctica negativa<\/em> cuando afirmaba que tou pensamientu conceptual en cuanto pensamientu d’identid\u00e1 siempres taraza o dexa de llau lo espec\u00edficamente otru d’aquello que quier ser aprend\u00edu, porque quier captase dafecho’l conceptu, ponelo baxu control. El planu cultural pue ser absorbente y totalizante, ye menester buscar acciones h\u00edbrides y fomentar perspectives m\u00e1s aperturistes. Nesti sent\u00edu tenemos d’inxerir, entemecer los planos culturales. La escuela de Frankfurt analiza la problem\u00e1tica de la industria cultural. Para Marcuse l’arte, na nuestra reflex\u00f3n l’arte marcial, el mundu de la fuerza…etc ten\u00eda xuna misi\u00f3n que yera faer tanxible la alienaci\u00f3n esistencial protestando y amosando xuna realid\u00e1 social distinta, xuna realid\u00e1 social-cultural contraria al simulacro unidimensional de la realizaci\u00f3n al travi\u00e9s de la mercanc\u00eda. Per otru llau Walter Benjamin a partir de la so idea de aura conceptualiza el xuegu de miraes establec\u00edu ente l’observador y l’obra d’arte, \u201c[\u2026] Pero a la mirada ye inherente la espectativa de ser devuelta por aquel que foi la so destinatario. [\u2026] La esperiencia del aura b\u00e1sase ent\u00f3s na transposici\u00f3n d’una forma de reacci\u00f3n corriente na socied\u00e1 humana a la relaci\u00f3n de lo inanimao o de la naturaleza col home. L’observ\u00e1u o’l que se cree observ\u00e1u llevanta la mirada. Esperimentar el aura d’un fen\u00f3menu significa investirlo cola capacid\u00e1 de llevantar la mirada\u201d. Nos deportes de contactu los contrincantes obs\u00e9rvense, est\u00fadiense, con\u00f3cense y recon\u00f3cense, esiste un xuegu de miraes mudes elocuentes, capaz de xenerar una interpelaci\u00f3n a una esperiencia del mundu revitalizada. Toos estos planos culturales descritos son absorbentes fontes de sent\u00edu vital, d’ende que se tienda a la particularizaci\u00f3n del gustu n’aisllaes c\u00e1mares d’ecu. Nesti sent\u00edu, el soci\u00f3logu Pierre Bourdieu cola so teor\u00eda del habitus dientro del espaciu social amos\u00f3nos que tenemos ciertes disposiciones, conductes y esquemes emocionales y de pensamientu que nos faen abondo predecibles. Nesta predicci\u00f3n Bourdieu incl\u00fai la exa pol\u00edtica d’esquierda derecha, garr\u00e9 un perfil con un mediu altu capital cultural y un capital econ\u00f3micu medianu tien encl\u00edn al monta\u00f1ismo y a la ruta en bicicleta, de la mesma un comercial quit\u00e1u con niveles culturales y capitales similares va preferir la caza y el sal\u00e9u a vela. De la mesma, con niveles culturales y capitales inferiores asocede lo mesmo, los funcionarios de niveles medios-baxos prefieren los naipes y la cerveza, y los peque\u00f1os propietarios comerciales y agr\u00edcoles prefieren el vinu tinto y la petanca. A partir de los estudios de Borudieu podr\u00edamos dicir que se t\u00e1n ampliando y polarizando nuevos habitus nos espacios sociales, los individuos de perspectiva progresista bazcuyen ente les caminaes o carreres qu’acaben nun paisaxe montascoso autorealizantes y les prominentes inmersiones interiores na cultura oriental, asina paez qu’atopen el so s\u00ed mesmu. Per otru llau, la versi\u00f3n conservadora paez ver nes mec\u00e1niques de autorealizaci\u00f3n d’esixencia competencial la lliberaci\u00f3n naguada, d’esta miente la musculaci\u00f3n, los deportes de combate etc son daos al so gustu. Equ\u00ed tenemos les c\u00e1mares d’ecu, equ\u00ed reproduzse la socied\u00e1 unidimensional marcusiana potenciada hasta \u201clo inapreciable\u201d a golpe d’algoritmu y de redes sociales. Tou individuu que non encaxe nesos habitus y nesos espacios sociales amplificaos va sufrir nel meyor de los casos la incomprensi\u00f3n y la desubicaci\u00f3n y nel peor la humildaci\u00f3n y el vac\u00edu. Por eso’l p\u00fablicu progresista cree que los ximnasios son non-llugares de autoexplotaci\u00f3n muscular narcisista, y el conservadores creen que los pase\u00edtos pel monte son xuna perda de tiempu y la busca de la autorealizaci\u00f3n al travi\u00e9s de la meditaci\u00f3n un camelo de tama\u00f1u asi\u00e1ticu. Ye xuna perspectiva simplaya, pero l’algoritmu y los espacios sociales autoreproductivos son bien potentes y absorventes. \u00bfQu\u00e9 faer? Tratar d’averase a l’activid\u00e1 xenuina autopoietica buscando valores comunitaristas de solidarid\u00e1, iguald\u00e1, de reciprocid\u00e1 y de llibert\u00e1. Practicar actividaes h\u00edbrides y plurales buscando estos valores contrarios a los valores hexem\u00f3nicos de la socied\u00e1 capitalista. D’esta miente, esisten artefactos socioculturales emancipadores portadores de sociedaes alternatives a la esistente. La esquierda debe d’ocupase de la so busca y de la so incorporaci\u00f3n al proyectu alternativu emancipador, efectivamente nun ye nada c\u00f3modu y ye daqu\u00e9 complexu\u2026.pero y\u00e1 ta asocediendo. Hasta fai relativamente poco nos espacios sociales propios de les artes marciales y el mundu de la fuerza nun hab\u00eda munches muyeres, nin miembros manifiestos del colectivu LGTBi. Ello ye que nes sales de musculaci\u00f3n los\/es\u00a0 qu’hab\u00eda ocupaben llugares discretos o hores intempestives. G\u00fcei y\u00e1 formen parte de los centros deportivos cultivando espacios d’iguald\u00e1, reciprocid\u00e1 y llibert\u00e1…esi ye’l cam\u00edn.<\/p>\n","protected":false},"excerpt":{"rendered":"

L’autor retoma nesti art\u00edculu la reflex\u00f3n sobro los espacios comu\u00f1ales rellacionaos col deporte. Espacios relativamente escaec\u00edos pola esquierda na guerra cultural esistente y que sicas\u00ed t\u00e1n pre\u00f1aos de valores progresistes como la iguald\u00e1, la fraternid\u00e1 y la llibert\u00e1.<\/p>\n","protected":false},"author":1,"featured_media":1491,"comment_status":"open","ping_status":"open","sticky":false,"template":"","format":"standard","meta":{"_et_pb_use_builder":"","_et_pb_old_content":"","_et_gb_content_width":"","_vp_format_video_url":"","_vp_image_focal_point":[],"footnotes":""},"categories":[252,255,170],"tags":[],"class_list":["post-4258","post","type-post","status-publish","format-standard","has-post-thumbnail","hentry","category-arte-ast","category-historia-ast","category-opinion-ast"],"aioseo_notices":[],"_links":{"self":[{"href":"https:\/\/www.culturalgijonesa.org\/ast\/wp-json\/wp\/v2\/posts\/4258","targetHints":{"allow":["GET"]}}],"collection":[{"href":"https:\/\/www.culturalgijonesa.org\/ast\/wp-json\/wp\/v2\/posts"}],"about":[{"href":"https:\/\/www.culturalgijonesa.org\/ast\/wp-json\/wp\/v2\/types\/post"}],"author":[{"embeddable":true,"href":"https:\/\/www.culturalgijonesa.org\/ast\/wp-json\/wp\/v2\/users\/1"}],"replies":[{"embeddable":true,"href":"https:\/\/www.culturalgijonesa.org\/ast\/wp-json\/wp\/v2\/comments?post=4258"}],"version-history":[{"count":0,"href":"https:\/\/www.culturalgijonesa.org\/ast\/wp-json\/wp\/v2\/posts\/4258\/revisions"}],"wp:featuredmedia":[{"embeddable":true,"href":"https:\/\/www.culturalgijonesa.org\/ast\/wp-json\/wp\/v2\/media\/1491"}],"wp:attachment":[{"href":"https:\/\/www.culturalgijonesa.org\/ast\/wp-json\/wp\/v2\/media?parent=4258"}],"wp:term":[{"taxonomy":"category","embeddable":true,"href":"https:\/\/www.culturalgijonesa.org\/ast\/wp-json\/wp\/v2\/categories?post=4258"},{"taxonomy":"post_tag","embeddable":true,"href":"https:\/\/www.culturalgijonesa.org\/ast\/wp-json\/wp\/v2\/tags?post=4258"}],"curies":[{"name":"wp","href":"https:\/\/api.w.org\/{rel}","templated":true}]}}