El xéneru negru ye quiciabes el que meyor sobrevivió al pasu del tiempu de los nacíos del cine clásicu americanu. Una de les razones puede ser que toma’l fechu criminal como exe pa describir les miseries de la sociedá capitalista, lo que nun dexó de tar d’actualidá dende’l final de la II Guerra mundial hasta’l nuestru yá enguedayáu sieglu XXI.
Non ye namás que les películes caltiegan la so vitalidá orixinal sinón qu’el “noir”, como dicen los nuestros vecinos franceses, revitalízase década tres década na lliteratura, el cine o les series pa les pantalles pequeñes con gran ésitu.
Esti mes proyectamos dos exemplos más del clásicu americanu, con unos intérpretes mui significativos nesti xéneru, Barbara Stanwyck y James Cagney.
Cola collaboración de:
Viernes 6
L’amor estrañu de Martha Ivers (The Strange Love of Martha Ivers), 1944
Dirección: Lewis Milestone
Intérpretes: Barbara Stanwyck, Kirk Douglas, Van Heflin.
Duración: 116 min.
Nacionalidá: EE.UU.
Sinopsis: Esta hestoria de corrupción moral y política de la elite económica tuvo problemes y llamo l’atención de los dirixentes de la denominada Caza de bruxes contra’l Hollywood más lliberal. Stanwyck y Douglas dan vida a una pareya qu’utiliza la so posición económica p’algamar el poder y remanalo al so antoxu. Constitúi amás el debú cinematográficu del depués famosísimu actor, padre de la tamién estrella Michael Douglas.
Viernes 20
Calor blancu (White Heat), 1949
Dirección: Raoul Walsh
Intérpretes: James Cagney, Virginia Mayo, Edmond O’Brien.
Duración: 114min.
Nacionalidá: EE.UU.
Sinopsis: Raoul Walsh foi un de los directores representativos del cine clásicu, non sólo por tocar un puñáu de xéneros del mesmo, sinon pola so capacidá de narrar colos planos imprescindibles y atrapar al espectador dende l’empiezu de les sos películes.
Nesta ocasión presenta a un Cagney magníficu faciendo’l papel de gangster que tan famosu lu fíxo en tiempos y engarráu colos llamaos T-Men, los homes de Tesoru d’EE.XX. Una pequena xoya del cine negru na so versión propagandista de l’acción del Gobierno frente all crime organizáu.
(*) Las proyecciones van empezar a les 19:00 h y van proyectase en versión orixinal con subtítulos en castellano.