Propónse que l’espaciu de nueva creación de Naval Azul, el so barriu natal d’El Natahoyo, cuando se cumplen venti años del fallecimientu d’esti referente de la cultura asturiana
Consideramos qu’esti allugamientu daría la reconocencia afayadizaa esta figura, ensin causar molesties y inconvenientes a los vecinos, al esistir na zona espacios de nueva creación anguaño non habitaos.
Biografía:
Ígor Mediu To (El Natahoyo, Xixón, 1972-Zuya, Álava, 2006) foi un afamáu músicu en grupos de música tradicional asturiana como Felpeyu y dibuxante en numberosos periódicos y revistes de cómic. Un accidente de tráficu’l 24 de xunu de 2006 terminó cola vida de Ígor y de Carlos Redondo, compañeru nel grupu musical Felpeyu, cuando diben camín d’una actuación en Barcelona. Otros componentes de Felpeyu resultaron mancaos.
La infancia d’Igor Mediu tien como protagonista al barriu onde nació. El so padre, Luis Mediu, y la so madre Sonia Tuya, yeren militantes comprometíos a favor de la democracia nel añu en que nació Ígor. Nació en xineru de 1972 y en setiembre d’esi mesmu 1972 Sonia y Luis fueron, xunta otros homes y muyeres de la Sociedá Cultural Natahoyo, fundadores del Día de la Cultura una fiesta de prau que supunxo un antes y un depués nel asociacionismo xixonés. Hasta 1984 duró’l “Día de la Cultura” exemplu de cultura popular. Amás, Luis y Sonia fueron decisivos nel movimientu vecinal del barriu dende l’Asociación de Cabeces de Familia y dende l’Asociación de Vecinos «Atalía». Dende neñu aprendió Ígor Medio’l sentimientu de pertenecer a un barriu, primero El Natahoyo, depués Montiana― y el conceutu de compromisu social.
Dibuxante dende bien pequeñu ganó un concursu de dibuxu a los cinco años nel Club Santa Olaya. Estudiando na Universidá Llaboral conoció a compañeros como Ruma Barbero y Carlos Redondo y años más tarde estudiando Belles Artes en Salamanca, formó con ellos el grupu Felpeyu. Felpeyu llogró aína una reconocencia nacional ya internacional con notable producción discográfica. Ígor Medio formó parte de Felpeyu dende la so fundación nel añu 1991, con 19 años, hasta’l so fallecimientu nel añu 2006. El grupu Felpeyu siguió y sigue actuando y grabando con dalgunos de los componentes orixinales. El dibuxu y la música marcaron la vida de Ígor Medio Tuya.
Ígor Medio fue el protagonista de la «Selmana de les Lletres Asturianes» de 2022, y con ese motivo se publicó Ígor Medio: Carbón y arena con una decena de colaboraciones que repasan la vida y obra del músico y dibujante. Pone en valor la publicación su compromiso con la llingua y la cultura popular asturiana, su discografía en Felpeyu y reproduce parte de su obra gráfica como Litttle Memo o La Familia Castañón.
La madre de Ígor Medio, Sonia Tuya, cedió nun actu públicu’l pasáu 30 d’ochobre de 2025 l’arquivu de Ígor (básicamente la so obra gráfica) al Muséu del Pueblu d´Asturies. Con ello’l patrimoniu cultural qu’eso representa va pasar a disposición llibre d’investigadores. Per otra parte, cada dos años prográmase’l Ciclu Folk de Cámara Ígor Medio nel mes de payares y nun espaciu museísticu referente de la ciudá como ye’l Muséu Casa Natal de Xovellanos.
Por toos estos motivos consideramos qu’hai razones sobraes pa dedicar un espaciu públicu nel so barriu natal d’El Natahoyo, tan venceyáu a la so biografía y la de la so familia, a don Ígor Mediu Tuya, en reconocencia a la so aportación a la vida cultural de Xixón y d’Asturies.
Xunta Directiva, Sociedá Cultural Xixonesa
Xixón, 14 de xineru de 2026.