La Fundación Municipal de Cultura, el Festival Internacional de Cine de Xixón y la Sociedá Cultural Xixonesa xunten fuerces nun proyectu que recorrera dalgunes de les obres más interesantes de la cinematografia del sieglu XXI.
La entrada sera gratuita previa retirada d’invitación en entradascultura.gijon.es. Les invitaciones van ponese a disposición del públicu en dicha plataforma los llunes 7, 14 y 21 de setiembre
CINERAMA XXI propón celebrar el cine del nuevu sieglu, recuperando la esperiencia de la sala como espaciu d’alcuentru y descubrimientu.
El ciclu axunta a delles de les autores y autores más destacaos del panorama internacional —dende Wong Kar-wai, Lars von Trier o Ruben Östlund hasta Céline Sciamma, Carla Simón, Jonás Trueba, Hayao Miyazaki y Marjane Satrapi, a quien se rinde homenaxe con una proyección especial de Persépolis—, amás d’una programación familiar d’animación.
Una invitación a revisar películes esenciales de los postreros venticinco años y a (re)descubriles dende una mirada contemporanea, reivindicando la vixencia, diversidá y capacidá del cine pa siguir emocionando y dialogando col públicu.
Doce títulos, trés fines de selmana: siempre van ser pocos pa tomar un cuartu de sieglu. Pero nun s’esmolezan: ¡prometemos más!