La Sociedá Cultural Xixonesa convoca la XXXIII edición del Premiu Juan Ángel Rubio Ballesteros al envís d’estremar a una persona o colectivu que, vinculáu con Asturies, defendiera los sentimientos de respetu a los derechos humanos, calteniendo’l principiu básicu d’igualdá y defendiendo los conceptos éticos y morales que dignifiquen a la persona.

L’espíritu d’esti premiu, que tien calter añal, ye facer pública’l llabor de persones o entidaes que, apurríes a la coleutividá, lluchen por algamar el suañu d’una sociedá más xusta, llibre y igualitaria.

CONVOCATORIA DEL AÑU 2026

Va poder optar al premiu cualquier persona o colectivu que la so candidatura fuera presentada na sede de la Sociedá Cultural Xixonesa (C/ Tomás y Valiente, 1 2.u planta 33201 Xixón) o na dirección de corréu info@culturalgijonesa.org enantes de les 19:00h del xueves 3 d’avientu del añu en cursu.

El xuráu va ser designáu pola Sociedá Cultural Xixonesa ente persones relevantes nel ámbitu de la cultura y los movimientos sociales.

El fallu del xuráu va ser inapellable.

La entrega del premiu va tener llugar el vienres 11 d’avientu nel intre del tradicional actu festivu que s’entama con motivu del 57 aniversariu de la fundación de la Sociedá Cultural Xixonesa.

 

Pin It on Pinterest

Share this
X