El sistema d’estudios de Hollywood dominó’l cine mundial dende’l sonoru hasta finales de los años 40, cuando una sentencia antimonopoliu marcó’l comienzu del fin. Anguaño, anque siguimos viendo en pantalla los iconos y símbolos de lo que fueron, nun son ya más que una ínfima parte de grandes corporaciones de comunicación.
Vamos dedicar unos meses, igual entemecíos con otros ciclos, a lo que foi una verdadera fábrica cinematográfica que se nutrió de los mayores talentos artísticos d’Europa y EE.XX.
Empezamos pola MGM, l’estudiu más poderosu económicamente y quiciabes el que más representa nel imaxinariu colectivu esti sistema, col so enorme lleón ruxente al empiezu de cada película.
Con la colaboración de:
Vienres 11
Furia (Fury), 1936
Dirección: Fritz Lang
Intérpretes: Sylvia Sidney, Spencer Tracy, Walter Abel.
Duración: 94 min.
Nacionalidá: EE.UU.
Sinopsis: Foi la primer película rodada n’EE.XX. pol director del qu’agora se cumplen cincuenta años de la so muerte. Furia ye una xoya del cine negru imprescindible pa quien s’avere al xéneru.
La trama tien la vengación de fondu, con un Spencer Tracy inmensu nel so papel de víctima que busca pagar a los sos agresores cola mesma moneda.
Vienres 25
Lluz qu’agoniza (Gaslight), 1944
Dirección: George Cukor
Intérpretes: Charles Boyer, Ingrid Bergman, Joseph Cotten.
Duración: 114 min.
Nacionalidá: EE.UU.
Sinopsis: Na Inglaterra victoriana, una famosa cantante d’ópera ye asesinada. El so nueva sobrina, que vivía con ella, ye unviada a Italia y el casu queda ensin resolver. Ellí estudia cantar y cásase col pianista acompañante del so profesor. Tres de la lluna de miel, la pareya establezse na antigua casa de la cantante asesinada, onde la moza empieza a oyer estraños y inesplicables ruios mientres la lluz de gas baxo d’intensidá. (FILMAFFINITY)
(*) Las proyecciones van empezar a les 19:00 h y van proyectase en versión orixinal con subtítulos en castellano.