En collaboración col Insituto Goethe Alemán, a quien estimamos el vagar, empezamos el cursu cinematográficu con una amuesa del cine alemán realizáu nel pasáu sieglu y que se va estender al mes d’ochobre.
En septiembre vamos proxectar dos películes producíes na antigua República Democrática Alemana (RDA), un país que sumió tres la Reunificación nel añu 1990 barríu polos vientos de los fondos cambeos que traxo la cayida del Telón d’Aceru. El so réxime políticu xeneró una cultura y una sociedá singulares, de la que son bona amuesa les producciones cinematográfiques de los estudios DEFA.
Vienres12
El cielu dividíu, 1964
Dirección: Konrad Wolf
Intérpretes: Renate Blume, Eberhard Esche, Hans Hard-Hardloff
Duración: 114 min.
Nacionalidá: RDA
Sinopsis: Una moza estudiante ye la protagonista d’esta película con una hestoria d’amor como leit motiv pero con una gran carga de reflexón política sobro la división d’Alemaña. Con guión de la escritora Christa Wolf, foi allabada pola crítica cinematográfica de l’Alemaña Federal, que la valoró percima de la cinematografía alemana occidental d’aquel momentu. Estilísticamente taría próxima a los postulaos de la Nouvel Vague, quiciabes como una respuesta estética a los cambeos sociales que taba viviendo Europa nesa década, independientemente de la so localización respectu al Telón d’Aceru.
Viernes 26
La leenda de Paul y Paula, 1973
Dirección: Heiner Carow
Intérpretes: Angelica Domröse, Winfried Glatzeder, Heidemarie Wenzel.
Duración: 105 min.
Nacionalidá: RDA
Sinopsis: Paul y Paula tuvieron males esperiencies col amor: Paul sabe que la so muyer lu engaña y Paula intenta salir alantre criando sola a los sos fíos. Al conocese, descubre una pasión fonda l’unu pol otru. La película considérase una reivindicación de la busca de la felicidá individual y foi un gran ésitu cinematográficu.
(*) Las proyecciones empiecen a les 19:00 h y van proyectase en versión orixinal con subtítulos en castellano.