Manuel García Fonseca, “El Polesu”
Estaos Xuníos, escláriese Trump y el so grupu d’encerriscaos, abandonaron toda referencia a derechu internacional, van usando la fuerza y la prepotencia de forma descarada y creciente. Ensin referise yá a les intervenciones béliques de les décades anteriores, Trump intervieno ensin nenguna xustificación llegal en Venezuela, el so presidente sigue encarceláu n’Estaos xuníos; anguaño intervien, al compás que marca Israel, contra Irán col entamu de bombardeos incesantes y cola amenaza de destruyir la civilización iranina, con declaración esplícita, ensin respetu dalgunu a lo que la milenaria riqueza cultural de Persia apurre a la civilización mundial. Estos díes la UNESCO vien denunciando la destrucción barbara de los llugares históricos de la civilización persa, patrimonios culturales de la humanidá.
La fame de dominiu non solo nun ye a quitar la sede con una guerra inacabable, sinón que Trump busca facer propios los vieyos propósitos inacabaos, pa que-y valgan de tapadoria pal fracasu de la guerra contra Irán. Va díes hai enarboliáu la bandera contra Cuba, doblando les sanciones que lleven 60 años queriendo matar de fame a la población de la isla.
Estes sanciones fueron condergaes repitíes vegaes poles Naciones Xuníes que les consideren otra forma de guerra; sacante dellos estaos como Israel y Ukrania, l’Asamblea Xeneral de Naciones Xuníes reclama cada añu’l llevantamientu d’estes sanciones que faen sufrir inmensamente a la población. Dempués del ataque contra Venezuela, les sanciones endureciéronse con un embargu total sobro’l petroleo; imponse la non unviada de petroleo de Venezuela a Cuba; Mexico, que caltenía tradicionalmente bones relaciones con Cuba, nun osa yá llevar petroleo a Cuba poles amenaces de sanciones de los Estaos Xuníos. En Cuba’l suministru de .
eletricidá ta dafechu colapsáu ente tiempu, con consecuencies catastrófiques pa la vida cotidiana de la población y de la so supervivencia.
Les sanciones secundaries nel campu de la salú traen otru escándalu. Cuba disponíen d’un escelente sistema de salú y de médicos bien formaos, que taben a disposición de numberosos países d’América llatina y del mundu enteru nos casos de necesidá. En Calabría, n’Italia, unos 500 médicu cubanos trabayaben a la demanda esplícito y urxente del gobiernu rexonal. Los Estaos Xuníos primieron al gobiernu italianu pa espulsar a los médicos cubanos, como asocedió en Guatemala so la idéntica presión de Los Estaos Xuníos. Estos son solo xuna amuesa del asediu norteamericanu a Cuba.
“Acción contra l’Odiu” y un conxuntu d’asociaciones, xuntu con numberoses firmes de personalidaes roblen estos dias un manifiestu denunciando l’asediu medieval contra Cuba.
Trump ye un personaxe estravagante que devasa lo absurdo; sería pa consideralo un llocu despreciable si nun fueren tarrecibles les bravatas y acciones agresives y béliques contra pueblos enteros que lleva a cabu, contra les que los ciudadanos pacíficos sentímonos obligaos a reaccionar