Presenta: OVIDIO ROZADA. Directivu de la Sociedá Cultural Xixonesa. Una UE depués d’años d’una crisis que nun ye namáseconómica nin siquieramente política, sinón tamién de proyectu nuna Europa onde s’acolumbren fondes resquiebres internes nun mundu allancáu en cambeos estructurales bultables. Tantu nel tarrén del poder material como nel de les idees, el mundu paez agora más adversu pa la UE de lo que era hai unos años. Cuestiones como l’ampliación de la mesma nos Balcanes y nel este d’Europa o el futuru de les relaciones con Rusia y China o los llamaos antañu países emerxentes xunto col avance de les fuerces nacionalistes de la estrema derecha dientro de la propia UE son parte de les cuestiones centrales d’una UE inmersa al tiempu nun cambeu de modelu productivu de la llamada 4ª Revolución industrial. La profesora de Ciencia Política na Universidá Complutense de Madrid y Investigadora Adscrita al Institutu Complutense d’Estudios Internacionales (ICEI) Ruth Ferrero, una de las meyores espertes n’España en política internacional y especialmente na europea va averanos al enguedeyáu futuru que tien delantre’l proyectu européu.