Mar Martín ye una asturiana afincada en Xixón. La fotografía ye pa ella una escritura visual onde la naturaleza ye la tema d’esta esposición. “Todo cambia” como bien dicía la canción de Mercedes Sosa, asina la naturaleza, pero tamién la mirada de quien s’avera a ella pa ver lo pequeño y al tiempu lo efímero como una pingarata d’agua desafiando la gravedá. Mar Martín invítanos a respirar la lluz nos colores. A sentir el llatíu de los raigaños y el silenciu nos cambeos que marquen el ritmu de la espresión. Espunxo na cafetería-llibrería La Revoltosa y La Habitación Propia, na microgalería Zooh y nel Centru Municipal de  L’Arena con obra colectiva Man Ray.  

Entama: Sociedá Cultural Xixonesa
Collabora: Fundación Municipal de Cultura Y Universidá Popular (FMCYUP) y CMI d’El Llano