ARANTXA VILLALBA, pintora lleonesa afincada n’Asturies lleva esponiendo dende 1998. Na so obra predomina l’arte astracto, anque dalgunos de los sos cuadros son figurativos. Creativa y Autodidacta, diz nun tener influencies de naide anque reconoz sentise identificada con Pollock, Kandinsky o Klimt. De los sos trabayos comenta “namá intento tresmitir les mios emociones al traviés de el color”. Usa casi siempres pintura acrílica sobro papel o llenzu, les sos obres destaquen “dicen” pola so técnica cromática utilizando directamente el color primariu. Dende va un tiempu ta esperimentando con formatos de mayor dimensión.

EQUILIBRIU, GUAPURA VISUAL y CROMATISMU VIVU ye l’oxetivu en caúna de les sos obres “comenta”.

Espunxo en delles ocasiones nel Institutu Xovellanos, en Llión na sala Vela Zanetti, espacios culturales de Castiella y Llión de l’antigua Caxa España, Conservatorio de la so ciudá, innumberables cafés alternativos de Madrid, Asturies, Llión, etc La so última esposición “Alcuentros con Platón” tuvo llugar en xineru de 2022 na sala BOCANA del Hotel 40 nuedos d’Avilés. En Guinea Ecuatorial varies de les sos obres decoren les oficines de MUNI, foi escoyida en certames nacionales de pintura y participó n’esposiciones colectives d’Asturies amás de realizar exhibiciones de pintura nel MUSÉU NICANOR PIÑOLE el día internacional de los MUSEOS.

HOPE

Esta ye la segunda vegada que presenta les sos pintures nel CMI del Llanu, nesta ocasión con formatos de mayor tamañu. Con “HOPE” l’autora trata d’amosar al espectador la so visión d’esperanza escontra’l futuru, l’enfotu nel papel del arte como mediu pa recuperar anímicamente’l tiempu perdíu tres esa tierra de naide que supunxo la pandemia. Pa espresar eses sensaciones ruempe cola figuración y apúrrese a l’astracción de manera casi definitiva. El colores, como en tola so obra, cobren un protagonismu absolutu, aplicaos con total llibertái, ensin nenguna restricción pero siempres en composiciones equilibraes que conviden a esfrutar de l’acción de reparar, de parase un tiempu delantre de cada cuadru. A última hora, una amuesa d’arte que nos inspira pa siguir alantre.