Va Poder visitase dende’l 5 al 29 de xunu

Sumíos na voráxine de la contemporaneidad, apurrimos ensin posa a la busca d’obligaciones y llogros, ensin detenenos a cavilgar sobro l’auténticu propósitu de les nuestres acciones. La paradoxa del nuestru tiempu ye que, a pesar de cuntar con meyores que nos dexen construyinos de manera más eficiente, nunca tenemos abondu tiempu. Como resultáu, la importancia de la vida esmúcese, y la esistencia piérdese nel tresfondu. Al traviés del mio trabayu, propongo un viaxe visual que convida a cavilgar sobro la nuestra relación col tiempu. Busco l’equilibriu ente’l facer y el ser, ente la productividá y l’esfrute. Nesti espaciu creativu, anímovos a vivir el “hic et nunc”, el “equí y agora”, recordando que cada momentu ye un regalu irrecuperable. Aprovechemos el tiempu mientres dure, porque nel so fugacidad mora la verdadera guapura de la esistencia. Na mio esperiencia artística, utilizo escenarios que conviden a la introspeición, xugando con estragales y espeyos. Los personaxes intervienen de manera sesgada, y les esposiciones lentes dexen difuminar al retratáu. Esta técnica actúa como una metáfora del pasu fugaz del tiempu, tal como se menta na propuesta. Nesta esposición, cada títulu de les obres fotográfiques va ser interpretáu por escritores amigues, quien van apurrir la so visión único y personal. Al traviés d’esta sinerxa creativa, establezse una poderosa reflexón sobro la naturaleza efímera del tiempu, recordándonos que cada intre puede ser prindáu y vivíu dafechu, tantu visual como literariamente. Xuntes, vamos entrar nun viaxe de descubrimientu que tresciende la simple observación, revelando la guapura y complexidá de les nuestres esperiencies compartíes.