El 23 de payares, a les 19:00 hores, les asociaciones culturales asturianes La Ciudadana (Uvieu) La Sociedá Cultural Xixonesa (Xixon) y Amigos de Mieres entamen, nel Teatru Filarmónica d’Uviéu un actu cultural y reivindicativu en defensa d’un trabayu dignu y pola meyora de la lexislación llaboral. Trátase d’unu de los grandes retos de la nuestra sociedá: la creación d’un mercáu llaboral xustu. Nesti actu’l mundu la cultura va clamiar polos derechos de la clase trabayadora. L’actu va ser presentáu polos periodistes Pachi Poncela y María Luengo y va cuntar cola participación de distintes personalidaes del mundu de la cultura como Maxi Rodríguez, Pilar Sánchez Vicente, Aitana Castaño y Daniel Bernabé.  Amás, vamos tener la música de Jeronimo Granda, Nuberu y Luis Pastor. Van rematar  l’actu les intervenciones de los secretarios xenerales de UXT Pepe Álvarez y Unai Sordo de CCOO. La entrada va ser llibre hasta completar aforu.