Historia del subdesarrollu latinoamericanu.

Na hestoria d’América Llatina hai un llugar común compartíu por tolos analises, con independencia de la ideoloxía dende la qu’operen, y ye que la responsabilidá del subdesarrollu del continente vien de la dómina colonial y el so protagonista, el malváu Imperiu español. Pero n’hestoria y xeopolítica nun hai nin imperios malvaos nin benevolentes, solu imperios qu’exercen l’imperialismu. Esti interesante relatu, más qu’historia, ye un mitu inventáu poles oligarquíes para perpetuase nel poder y que-yos sirve de sida para tapacer la so responsabilidá histórica.

Un mitu esitosu, tien d’almitise, porque foi asumíu de forma acrítica poles esquierdes, que, d’esa forma, dieron en xustificadores de les barbaridaes de les oligarquíes llatinoamericanes, dende’l sieglu XIX hasta’l presente. D’esa manera, les oligarquíes pudieron caltener inalterable’l statu quo nacíu de la independencia, esto ye, el modelu neocolonial, que facilita l’espoliu de los sos países pola potencia de turnu en cuenta de sofitales nel control de los países y en salvaguardar de la so obscena acumulación de riqueza.

D’esos mitos y de les sos consecuencies trata esti Malditos llibertadores que, analizando’l llabor de llibertadores como Simón Bolívar, pasando por dictadores como Pinochet, hasta dirixentes políticos como Jair Bolsonaro, convídanos a mirar al pasáu para “desmazcarar la versión oficial» y pensar el futuru del continente.

Augusto Zamora ex embaxador de Nicaragua n’España, ye profesor de Derechu internacional públicu y Relaciones internacionales na Universidá Autónoma de Madrid.