Presentan: Gemma Ares y Luis Miguel González, directivos de la Sociedad Cultural Gijonesa.

El pensamientu económico dominante, el capitalismu lliberal y les sos vertientes, entiéndese como una ciencia estricta llibre d’ideoloxía y política. El llinguaxe económicu usóse pa crear una barrera ente aquelles persones que la dominen y el restu de la población. Enxertose nel maxín social la idea de que la economía ye neutral y, poro, la prensa económica dominante que la tresmite entiéndese tamién como una prensa neutral. Anguaño ta bien claro que tola prensa económica tien el mesmu corte lliberal, pero los postulados económicos que defenden siguen viéndose y interpretándose como si fueren lleis físiques. Tala prensa, y esa aureola de llei física que la arrodia, ta controlada polos grandes poderes económicos y úsase como una ferramienta del poder dominante pa xenerar opinión, consensu y pensamientu alineáu coles intereses d’esos mesmos poderes. “Pescar el salmón” quier baltar eses barreres del llinguaxe y desfacer les narratives creaes y les estratexes de manipulación de la opinión pública, cola intención de que la ciudadanía pueda enfrontase a la prensa económica. Yago Álvarez Barba fai un repasu les principales estratexes de manipulación de los periódicos especializaos al traviés del usu del llinguaxe económico, les distintes formes que tienen les empresas d’influyir sobre les sos llinies editoriales y les consecuencies de too ello.