Miercoles 4 de xunu
19:00 horrs.
Salón d’Actos de la Biblioteca Xovellanos.

Nel centru de la cultura del control y la vixilancia, cuatro personaxes interpreten un baille singular.

Saben lo que quies, lo que busques. Conocen la to cuenta bancaria, lo que pagues, lo que debes, les tos conversaciones. Síguente, esaminente. Pero ¿qué ye, que conocen el significáu, lo que representa pa ti esi álamu, una xera a comuña, la persona que non te llama?
León trabaya pa una empresa pequena interesada n’aportar a los requexos de la vida íntimo y social qu’entá escapen a la cultura de la vixilancia. En cuenta de  procesar cantidaes bultables de datos, decide afitar la mirada en dos únicos suxetos, Casilda y Jonás, dambos na trentena.
Mentanto, la competencia obsérvalu. Minerva, directiva d’una empresa mayor que la de León, recibió l’encargu d’espialu.
Cuatro personaxes interpreten un baille singular ente la tenacidá y el desencantu, ente la llibertá y l’engañu, ente agachar les oreyes y la insumisión. Esta novela constrúi una distancia pa esclariar el presente, porque nél choquen el pasáu col futuru, y d’esi choque naz el regolvín de tar equí.

Escritora y guionista cinematográfica española, Belén Gopegui ye una autora ganadora de premios como’l Tigre Juan y finalista de certames como’l Rómulo Gallegos o’l José Manuel Lara de Novela.

Llicenciada en Derechu, Belén Gopegui publicó en 1993 la so novela La escala de los mapas, obra que llogró un gran aponderamientu de la crítica. Nel añu 2000 otra de les sos noveles, La conquista del aire, foi adaptada al cine con guion d’Ángeles González Sinde y de la mesma Gopegui.
Como guionista habría que destacar na so trayectoria películes como El principio de Arquímedes o La suerte dormida, trabayos qu’alternó coles sos siguientes noveles, El lau frío de l’almohda o Deseo de ser punk. En 2014 vieron la lluz l’antoloxía d’ensayos Rompiendo algo y la novela El comité de la noche.