Alderique ente José Luis Argüelles (prologuista y editor lliterario del libru) y Carlos Espina.

Llectura de poemes por Eladio de Pablo

La presentación de Que ye’l mio dios la llibertá, de José Espronceda va tener un formatu a manera de conversación ente José Luis Argüelles (poeta y periodista, responsable del prólogu y la selección del llibru) y Carlos González Espina de la editorial Impronta. A lo llargo d’esta presentación  van proxectase imaxes relatives a la vida, l’arte y el tiempu de Espronceda, y van escuchase audios con versiones musicales de los sos testos. Eladio de Pablo va encargase de facer la llectura d’una amuesa de los poemes.

Figura fundamental del romanticismu español, José de Espronceda representa pa la poesía del so tiempu lo que Larra pa la prosa. Espronceda encarnó’l xestu rebelde, revolucionariu, contra una realidá inxusta que tarrecía. Nesti sentíu, hai una coherencia ente la so vida política y lo meyor de la so poesía.

Pola so importancia como conquista verbal y rotura colos modelos espresivos anteriores, los sos poemes revolucionaron el llinguaxe llíricu. Abondo p’asegura-y un llugar nel canon de la meyor lliteratura española de tolos tiempos.

Entamen:
Atenéu Xovellanos – Atenéu Obreru de Xixón – GESTO – Cultural Xixonesa
Col apoyu del Ayuntamientu de Xixón – Cultura y Educación