Dirección: Eric Rohmer Intérpretes: Serge Renko, Katerina Didaskalou, Amanda Langlet Duración: 115 min. Nacionalidá: Francia

Sinopsis

Rohmer compón nesta película una trama d’espionaxe desenvuelta en París, nel tiempu que cuerre ente la victoria del Frente Popular en mayu del 36 y la ocupación alemana. Como nun podía ser d’otra forma, la hestoria personal amorosa de los sos protagonistes entemezse col mundu de la política y la intriga. Y como asocede davezu en Rohmer, esiste una bona estramadura ente los comportamientos y les palabres, qu’equí fai estensivu al discursu ideolóxicu y la realidá. Posiblemente, la película más pesimista de la so filmografía.