Intervienen:
- Rubén Medina, Secretariu Xeneral de CCOO del Ayuntamientu de Xixón.
- Dulce Gallego, exconceyala del Ayuntamientu de Xixón y expresidenta d’EMULSA, EMA y del Xardín Botánicu Atlánticu.
- Esteban Aparicio, exconceyal del Ayuntamientu de Xixón y expresidente d’EMULSA y EMTUSA.
- Modera: Eduardo Paneque, periodista de el diariu El Comercio.
Una de les característiques esenciales y diferenciadores de la ciudá de Xixón nel postreru mediu sieglu foi la constitución d’una rede importante d’empreses públiques municipales. Cuantayá qu’esti modelu se convirtió nuna referencia estatal y una de les más importantes señes d’identidá de la nuestra ciudá. Empreses como la EMA, EMULSA o EMTUSA surdieron como les xoyes de la Corona» del ámbitu municipal xixonés. Güei, depués crisis importantes como la económica de 2010 o la pandemia de 2020, les empreses municipales atópense nel centru del alderique políticu por delles circunstancies, l’ausencia en munches ocasiones d’un financiamientu afayadizu según distintos problemátiques asitiaron a delles d’estes empreses nuna situación complicada. Énte ello surde l’alderique sobre’l futuru de les mesmes y sobre la so viabilidá, nun dexando de ser un alderique alrodiu del modelu de ciudá y de servicios públicos que configure’l Xixón de les próximes décades. Esti alderique cuenta cola participación de trés persones qu’atesoren una fonda conocencia tanto de la ciudá como de la estructura de delles de les principales empreses municipales de la nuestra ciudá. L’alderique ta moderáu por Eduardo Paneque, periodista del diariu El Comerciu.
6 de payares de 2023, Escuela de Comerciu de Xixón. Actividá financiada pola Fundación Municipal de Cultura, Educación y Universidá Popular del Conceyu de Xixón/Xixón.