La Sociedá Cultural Xixonesa convoca la XXXII edición del Premiu Juan Ángel Rubio Ballesteros al envís de distinguir a una persona o colectivu que, venceyáu con Asturies, defendiera los sentimientos de respetu a los derechos humanos, calteniendo’l principiu básicu d’igualdá y defendiendo los conceutos éticu y moral que dignifiquen a la persona.
L’espíritu d’esti premiu, que tien calter añal, ye facer públicu’l llabor de persones o entidaes que, entregaes a la colectividá, lluchen por algamar el suañu d’una sociedá más xusta, llibre y igualitaria.
CONVOCATORIA DEL AÑU 2025
Va poder optar al premiu cualquier persona o colectivu que la so candidatura fuera presentada na see de la Sociedá Cultural Xixonesa (C/ Tomás y Valiente, 1 2º planta 33201 Xixón) o na dirección de correo infoculturalgijonesa.org antes de les 19:00h del xueves 4 d’avientu del añu en cursu.
El xuráu va ser designáu pola Sociedá Cultural Xixonesa ente persones relevantes nel ámbitu de la cultura y los movimientos sociales.
El fallu del xuráu va ser inapellable.
La entrega del premiu va tener llugar el vienres 12 d’avientu nel intre del tradicional actu festivu que s’entama con motivu del 56 aniversariu de la fundación de la Sociedá Cultural Xixonesa.
L’espíritu d’esti premiu, que tien calter añal, ye faer pública’l llabor de persones o entidaes que, apurríes a la coleutividá, lluchen por algamar el suañu d’una sociedá más xusta, llibre ya igualitaria.