El xéneru negru eyes quiciabes el que meyor sobrevivió’l pasu del tiempu de los ñacíos del cine clásicu americanu. Una de les razones puede ser que toma’l fechu criminal como exe pa describir les miseries de la sociedá capitalista, lo que nun dexó de tar d’actualidá dende’l final de la II Guerra mundial hasta’l nuestru ya frayáu siglu XXI.
Nun ye namás que les películes caltengan la so vitalidá orixinal sinón que’l “noir”, como dicen los nuestros vecinos franceses, revitaliza década tres década na lliteratura, el cine o les series pa les pantalles paqueñes con gran ésitu de públicu.
Esti mes proyectamos dos exemplos del clásicu americanu que nun son los más vistos pero que esllumen pola so maestría y el talentu qu’esplieguen.
Cola collaboración de:
Vienres 9
Historia d’un detective, 1944
Dirección: Edward Dmytryk
Intérpretes: Dick Powell, Claire Trevor, Anne Shirley.
Duración: 95 min.
Nacionalidá: EE.UU.
Sinopsis: La película ye l’adaptación d’una novela del gran Raymond Chandler y tien tolos ingredientes del cine negru, anque esta vez Dick Powell sustituya a Humphrey Bogart nel papel del detective Philip Marlowe.
Imposible reducir l’argumentu en tres llínees, sí podemos dicir que narra una historia de corrupción, chantaxe y crimen, too ello al traviés de la mirada del detective deteníu y interrogáu pola policía.
Vienres 28
Cara d’ánxel, 1952
Dirección: Otto Preminger
Intérpretes: Jean Simmons, Robert Mitchum, Mona Freeman.
Duración: 91min.
Nacionalidá: EE.UU.
Sinopsis: Preminger dirixe esta historia protagonizada pola siempre espléndida Jean Simmons y un Robert Mitchum faciendo el papel d’home que se dexa llevar por el atractivu y la personalidá de la moza. Nada nuevo sobre’l papel pero ésta constitúi una de las grandes películes del xéneru.
(*) Las proyecciones van empezar a les 19:00 h y van proyectase na versión orixinal con subtítulos en castellano.