Adrián Arias, expresidente de FAV-Xixón y, anguaño, asesor de la Delegación d’IU-GUE/NGL nel Parlamentu Européu.
D’ente les cifres, testimonios y noticies catastrófiques que tamos viendo estes selmanes sobre tolo relacionao col coronavirus, impúsose un alderique con fuerza cia y va siguir seguramente nes prósimes selmanes: ¿qué midíes se van tomar dende les instituciones europees pa responder a la crisis que yá nos afecta?.
Falar de la Unión Europea ye siempre enguedeyao porque’l xigante con pies de barru que supón les diferentes instituciones que conviven dientro lo que llamamos UE ye eso y los sos mecanismos de funcionamientu entá más. Quien sea a diferenciar con claridá les competencies y funcionamientu del Europarlamentu, Conseyu, Comisión o Eurogrupu habría tener un títulu oficial darreo. Anque la burocracia europea seya insultante, anguaño ye l’esquema sobre’l que’l nuestru presente y futuru se debate.
¿Qué se tá debatiendo n’Europa?
A grandes rasgos los países de la UE debaten en diferentes conceyos cómo facer frente de manera “coordinada” a la crisis económica que va afectar a toles sociedaes europees. Y lo preocupante ye que en cueenta facelo en términos de solidaridá, unidá y xuntanza, lo que llega ye que lo faen coles mesmes zunes de la crisis anterior en 2008. O lo que ye lo mesmo, anéciase en construyir otra vuelta un escenariu socioeconómicu asimétricu y desigual ente los países del Norte – lo que los analistas nomen liga hanseática – y les periferies del Sur d’Europa (ente los que taríen Portugal, España, Italia, Grecia).
Los gobiernos alemán y holandés, fundamentalmente pero non sólo, pretenden que como ocurriera en 2008, sus estables modelos socioeconómicos continúen acumulando poder y desarrollu a costa de fundir otra vez a los países del Sur en una nueva crisis de delda, imposiciones de reformes estructurales y deterioru del so mercáu productivu. Al tiempu, Italia, Portugal o España resistense a esa opción.
Los mecanismos en disputa son per un llau los llamaos coronabonos – emisiones de delda conxunta y mutualizada per parte de tolos países de la UE – que supondríen una ferramienta afechisca énte los más que probables ataques financieros de los especuladores a les primes de riesgu de los estaos del Sur. Colos veintisiete emitiendo coronabonos diba ser percomplicao ver las imáxenes macroeconómices que se vieron na crisis anterior.
Y per otru, la puesta en marcha de midies económiques espansivas, intervención directa de sectores estratéxicos de la economía de los Estaos y un conxuntu de midíes d’estimulu que completaríen un “new deal” – alcuerdo nuevu– a escala europea. Esta opción ye la que tán defendiendo países como Italia, Portugal o más suave España col nome de Plan de Reconstrucción Européu. Pela otra banda, Alemania, Austria y Holanda apuesten por ayudar a la zona euro con ferramientes como’l MEDE (Mecanismu Européu d’Estabilidá).
Usar el MEDE tá confirmao, pero diba ser un “dejavu” de les recetes del 2012 que yá conocemos. La realpolitik europea nun quier que nenguna economía europea funda, pero a cambiu va buscar imponer una versión “light” de la vuelta de “los homes de negro” y los MOU – memorándum d’entendimientu – que suponen de facto’l control de la soberanía económica del país que recibe tala ayuda. Nun volverá la Troika pero los halcones nun van renunciar a mediu y llargu plazu a condicionantes, daqué inaceptable dafechu.
Un escenariu peligroso, la UE a piques de la bipolaridá
Fíxose mui viral en redes sociales la rempuesta del primer ministru portugués, Antonio Costa, al discursu y les esixencies que dende Holanda – como portavoz radical d’eses posiciones – se faen nel sen del Eurogrupu: “repugnante, inconsciente dafechu y mezquinu”. Nun s’aveza a sentir nin a lleer a mandatarios europeos falar con esa dureza en público – nun podemos imaxinar lo que se dicen en priváu -, anque los tiempos que vivimos lo pidan. Tamién foi sorprendente la reciente editorial de la revista alemana Der Spigel acusando al so gobiernu de “mezquino y sórdidu guardian presupuestariu” o llamando “coalición de ególatras” a los dirixentes europeos contrarios a la solidaridá económica.
Lo que rezumen esos mensaxes y discursos ye l’escenariu al que nos enfrentamos si nun hai acuerdu de fondu. Una Unión Europea a piques de la bipolaridá, con un enfrentamientu abiertu ente’l Norte y el Sur pola busca d’igües a la crisis económica que trai l’andanciu’l coronavirus. Pescúdase muncho meyor coles palabres de Mark Rutte, mandatariu holandés cuando calificaba qu’aceptar les midíes propuestes por España, Italia o Portugal diba ser “cruciar el Rubicón”.
Curiosa metáfora histórica qu’evoca la midida tomada por Xulio César cuando al mandu de sus lexones vadió’l pequeñu ríu Rubicón, que marcaba la llende ente Roma y la Galia, para enfrentare al Senáu romanu. Cuando Rutte utiliza esa espresión quier plantegar que si se tomen midíes espansivas, trataos como Maastricht y tola ortodoxa económica europea esmuciríense. Tamos falando d’años de teoría económica y de la lóxica aplastante de los mecanismos de control europeos saltando pelos aires. Diba ser andar a una Unión Europea que nun esiste, nun tá nos trataos y qu’ellos nun quieren. Y esa ye l’auténtica certeza, esi suañu européu nun esiste.
Si Portugal, España o Italia no consiguen vencer en esta batalla, aunque sea de manera parcial, no hay vuelta atrás. Se debe cruzar el Rubicón y si hace falta el rio Rin. Si en una situación tan absolutamente extraordinaria y de crisis como esta la UE no consigue acertar, no harán falta las legiones romanas.