Esta película del direutor Wong Kar-Wai algamó puestos d’honor dientro de delles llistes de les meyores películes, a les que la crítica anglosaxona ye tan aficionada. Nun nos atrevemos a facer quinieles d’esa triba, pero ensin dulda’l direutor hongkonés llogró facer una obra maestra qu’asemeya cenciella.

Poca xente cuntó hestories d’amor con un despliegue tal de sensualidá y guapura, anque pa parte de la crítica peca de cierta frialdá. En too casu, lo meyor ye xulgar viendo la película y dexándose llevar pola combinación perfecta ente imaxe y música.

Dirección: Wong Kar-Wai
Intérpretes: Toni Leung, Maggie Cheung, Rebecca Pan.
Duración: 95 min.
Nacionalidá: Hong-Kong

SINOPSIS

Nel Hong-Kong de los años 60, un home y una muyer conócense al treslladase al mesmu edificiu coles sos respectives pareyes. Tolos dos pasen cada vez más tiempu xuntos porque les sos pareyes auséntense con frecuencia, llegando a desenvolver una rellación al rodiu de la que se desendolca la hestoria.

Nota: La proyección va presentala Nacho Muñiz.

(*)Les proyeiciones entamarán a les 19:00 h y van proyectase en versión orixinal con subtítulos en castellano.