L’arte de Arantxa Villalba caracterízase pola combinación cromática, colores primarios y tintes metálicos, doraos y plates.

Na so obra predomina l’abstracción, anque dellos cuadros son figurativos. Diz nun tener influyencies de naide pero reconoz sentise identificada con artistes como Pollock, Kandinsky o Klimt.

De la so obra comenta, “no faigo más que tresmitir les mios emociones al traviés del color y l’abstracción”, alcontrándose anguaño nun períodu de fuerte inspiración, que tresmite nes sos últimes obres.

Espuso dende finales de los 90 en centros culturales como la Fundación Vela Zanetti, el CC Antiguu Institutu, los espacios expositivos de l’antigua Caja España, en abondos cafés alternativos y sales de distintes ciudaes. Ente los sos trabayos profesionales destaca la decoración de les oficinas Muni en Guinea Ecuatorial.

El pasáu mes de mayu fixo una exhibición de pintura nel Muséu Nicanor Piñole nel Día Internacional de los Museos.