El llunes 9 de payares nel Salón d’actos del CCAI a las 19:00h preséntase una reedición del llibru de Luciano Castañón “Los días como pájaros”, conmemorando el centenariu del so nacimientu que se cumple esti añu.

L’actividá faise en collaboración col Atenéu Obrero de Xixón, l’Atenéu Xovellanos, Gesto y Editorial Impronta.

Na presentación van intervernir Chema Castañón y Carlos González Espina. Eladio de Pablo va facer una llectura de fragmentos del llibru.

Sobre’l llibru:

Novela d’aprendizaxe con fuerte carga autobiográfica, protagonizada por Ladis, un rapaz d’orixe humilde, alter ego del autor, nel tránsitu de la infancia a la mocedá, cuando acabará dedicándose profesionalmente al fútbol. L’otru gran protagonista ye Xixón, les sos cais y barrios, los ambientes populares, les formes de vida y, de manera mui especial, la playa, convertida en territoriu de xuegos, descubrimientos y espaciu de llibertá. Castañón constrúi asina una ciudá nunca nomada; un Xixón contempláu dende abaxo, dende l’altor de los güeyos d’un neñu. Depués llegarán, con otra mirada, yá más distante o desengañada, el trabayu, el fútbol y la vida adulta, qu’inevitablemente obligarán a dexar atrás tola inocencia.