Col so autor el narrador oral David Acera. Presenta Ángel de la Calle, ilustrador. Los páxaros son los animales más vivarachos y llibres del mundu. ¿Pero foi siempre asina? Va munchos años, eso tuvo a puntu de camudar. Un bon día, el Sol, cansáu de la xarana de los sos cantares mañaneros, decidió que llegara’l momentu de que les aves tuvieren un rei qu’impunxera orde ente los ruidosos alaos. El que al otru día alzara’l vuelu y llegara más cerca’l Sol sería l’ave coronada. Una hestoria irreverente con final inesperáu, inspirada nuna fábula de Esopo. David Acera ye un actor, narrador, director y autor. Como intérprete participó n’abondos estrenos de compañíes profesionales tantu n’Asturies como nel restu d’España y países como Cuba, Canadá, Venezuela, Panama….. amás de delles incursiones en cine y televisión. Tamién escribió otros llibros d’ésitu de lliteratura infantil como “La tortuga todovabien” o “Ramón Román Rodrigo”.