Como tolos años la Sociedá Cultural Xixonesa participó esti sábadu 6 d’agostu na tradicional ofrenda floral a Xovellanos. Ovidio Rozada, directivu de la entidá foi esti añu l’encargáu de representar a la nuestra entidá nel homenaxe añal al prócer xixonés. Ovidio Rozada, acompañado por otros miembros de la nuestra Xunta directiva posó un ramu flores al pie de la estatua de Xovín na Plaza’l Seis d’Agostu. Esti actu tradicional que conmemora la vuelta a casa del ilustre xixonés darreo’l so destierru en Mallorca, recibíu ente vítores y aplausos de los sos vecinos un 6 d’agostu de 1811.
Xovellanos representa sin dulda lo meyor del espíritu ilustráu y lliberal de la nuestra ciudá, un adelantáu nes idees de progresu y llibertá amás d’un importante promotor del desarrollu económicu, urbanísticu y cultural de la nuestra villa. Poro, la nuestra entidá y bona parte del texíu asociativu de Xixón participa d’esti emotivu acontecimientu que como cada añu cuenta cola participación de la sociedad civil xixonesa cola representación de les más altes autoridaes de la ciudá.
