Esti ciclu nun pretende namás dar a conocer la peralta calidá que llogró’l llinguaxe del nuevu mediu artísticu que yera’l cine, sinón tamién pa comprobar que primero de que Hollywood diera na meca del Séptimu Arte, desenvolviérense yá otres filmografías d’igual o mayor importancia, como l’alemana o la soviética. Ello ye que el viaxe d’una Europa en crisis a un EE.UU. floreciente foi tan frecuente que puede dicise ensin medrana a equivocar que’l cine americanu creció gracies a la inestimable contribución de quien yá teníen sobrada esperiencia al otru llau del Atlánticu.
Con la colaboración de:
Viennes 19
Tempestá sobre Asia, 1928
Dirección: Vsevolod Pudovkin
Intérpretes: Valery Inkijinoff, Aleksandr Chistyakov, Viktor Tsoppi.
Duración: 120 min.
Nacionalidá: Unión Soviética.
Sinopsis: Nun podía faltar un exemplu de la cinematografía soviética, una de les más prósperes del mudu. Pudovkin, xuntu con Eisenstein, Vértov o Kuleshov, fueron los autores responsables de crear los sos principales característiques.
Nesti casu, escoyimos un títulu pocu conocíu pero de gran interés. La llucha contra la ocupación inglesa de parte de Siberia y el Tibet trátase equí de manera épica con escenes espectaculares y una maña inigualable nel rodaxe de grandes movimientos de mases. Amiestu de propaganda y cine d’aventures, nun anda llueñe de les intenciones del western americanu.
Viernes 28
La llei del hampa, 1927
Dirección: Josef Von Stenberg
Intérpretes: George Bancroft, Evelin Brent, Clive Brook.
Duración: 80 min.
Nacionalidá: EE.UU.
Sinopsis: Una verdadera xoya d’un director européu qu’inaugura un xéneru americanu, el cine de gangsters o cine negru según la denominación francesa
Dos personaxes de los baxos fondos, un delincuente y un abogáu, axunten les sos fuerces para llegar lo más alto del mundu del crime. Como depués vieno ser habitual, una muyer conviértese nel elementu qu’enturbie la relación de los amigos
(*) Les proyecciones van empecipiar a les 19:00 h y van proyectase en versión orixinal con subtítulos en castellano.