Hirozaku Kore-Eda convirtióse nel director xaponés más reconocíu polos festivales nestos últimos años. A estes altures merez la pena dedica-y un monográficu al que pa dalgunos recueye’l testigu de clásicos como Yasujiro Ozu. Anque se trata d’una comparanza venturera col que ta nel Olimpu de los más grandes, ye verdá que Kore-Eda texe la mayor parte de les sos hestories en redolaes familiares y que los pequenos drames cotidianos y un ciertu toque señardosu podríen recordar al maestru de lo trascendente, como lo describiera Barbet Schroeder. La Cultural va proxectar nel Centru Municipal Integráu d’El Llanu de Xixón un ciclu con cuatro de les sos películes de más sonadía a lo llargo del mes de xineru. Estes van ser presentaes por Nachu Muñiz 3 minutos antes de la proyección. Amás, van proxectar en versión orixinal con subtítulos en castellanu.
Cola collaboración de:
