Pesie a empecipiar la so carrera nos 80 del sieglu pasáu y ser un veceru de los palmarés nos festivales, Kaurismaäki nun conoció’l ésitu comercial -siempre entecomináu- hasta la so película cabera estrenada en 2023. Esti ésitu tardíu nun dexa de ser inesperáu nun autor coherente como pocos, que nun cambió’l so estilu cinematográficu de planos llargos, pocu movimientu de cámara, diálogos lacónicos y interpretaciones brechtianas per parte de los actores. La clase obrera, los inmigrantes y los desheredaos son los protagonistes absolutos pero nun hai qu’esperar nengún tonu atristayáu sinón que la crítica a la sociedá europea faise con humor, retranca y tamién con una visión humanista. Cola collaboración de: 
CICLU FEBRERU 2024: AKI KAURISMÄKI
