Participen:

• Esteban Hernández, autor del llibru.
• Rosa Martínez, exdiputada verde por Vizcaya.
• Rodrigo Amirola, Asesor de la vicepresidencia segunda y del ministeriu de trabayu y llicenciáu en filosofía.

Modera: Ovidio Rozada, directivo de la Sociedad Cultural Gijonesa.

Atalantar el sentíu y la fondura de los cambios xusto nel momentu nel que tán produciéndose ye una habilidá qu’apaez en mui pocos autores. Esteban Hernández ye quién a xuntar actualidá y fondura gracies a un  análisis lúcidu col que arrima’l llector a un tiempu crucial. Esta dómina marca un puntu d’nflexón que va definir la nuestra sociedá nes próximes décades. Alló de la descripción de les grandes tendencies que la percuerren y de les trensformaciones polítiques, xeopolítiques, económiques y sociales que tán apruciendo, la obra aporta les claves precises para atalantale y afrontala. Con una visión penetrante y reflexiva, conxuga posiciones teóriques que van dende Marx hasta l’Ortega y Gasset de España invertebrada, ensayo al que rinde homenaxe nel so centenariu, y afonda tanto n’acontecimientos internacionales como nes trensformaciones na vida cotidiana: nes sos páxines danse ceta la nueva guerra fría, la desorganización europea, los cambios nes costumes y nos valores, los sentimientos qu’anden la sociedá y los resentimientos nuevos. Y, como nun podía ser d’otra manera, marca posibles víes de salida a partir de les llecciones de la Historia, de les que igual habíemos tomar nota. La presentación d’esti libro apurre una oportunidá afechisca pa debatir sobre los grandes cambios qu’operen na nuestra sociedá con tres analistes de primer nivel.