Presenta: LORENA GIL

El mundu que conocíamos dexó d’esistir. L’orde nacíu tres la Guerra Fría desfaise mientres remanecen nueves formes de poder, nueves llexitimidaes y pantasmes vieyes que creíamos superaes. Les sociedaes avancen, pero fáenlo con una molición creciente y ensin un horizonte claru.

En Viaje a un Nuevo Mundo, los periodistes Enric Juliana y Esteban Hernández esploren esti tiempu de transición al traviés d’una conversación lúcida y esixente que va más allá del diagnósticu habitual. El llibru aborda cuestiones centrales del alderique contemporaneu —la vuelta de los imperios, la crisis del proyectu européu, l’ascensu de lideralgos autoritarios, el tresformamientu d’Estaos Uníos y la posición d’España nel nuevu escenariu global— dende una mirada inédita, atenta a les conexones, les causes fondes y les consecuencies de llargu algame. Nun queda en describir los cambeos en cursu, sinón qu’analiza nos impulsos que los sostienen como’l deséu d’orde, la pulsión de vengación o la rocea escontra’l futuru.

Juliana y Hernández combinen esperiencia, conocencia histórica y capacidá interpretativa pa ufiertar una llectura sólida del presente. El resultáu ye un ensayu dialogáu de gran claridá y ambición, que fuxe del eslogan y del ruiu para pensar en fondura’l cambéu de dómina.