La Sociedá Cultural Xixonesa présta-y dar anuncia de que’l xuráu del Premiu Juan Ángel Rubio 2021 constituyíu anguaño por Marián Moreno Llaneza, Manuel Cañete, presidente de la FAV, Dulce Gallego, María José Capellín, Virginia Álvarez Iglesias, en representación de la Xunta Personal del Hospital de Cabueñes, galardonaos na edición cabera y Antonio Rubio, como representante de la familia Rubio y presidíu por Pedro Roldán, presidente de la Cultural, decidió otorgar esti galardón, qu’honra la memoria de un de los nuestros más destacaos presidentes, a la Fundación por la Acción Social Mar de Niebla, como reconocencia al llabor desempeñáu dende la so fundación en favor de la integración social y la llucha contra la desigualdá, desenvolviendo un proyectu de calter comuñal ya inclusivu con un fuerte compromisu col territoriu. Amás el xuráu remarcó la gran importancia que, n’una situación de crisis como l’actual derivada de la pandemia, tienen proyectos como Mar de Niebla qu’intenten construyir ferramientes colectives qu’ayuden nel ámbitu educativu y sociolaboral a la población más espuesta al riesgu de la probeza y l’esclusión social. El galardón ye obra del perconocíu artista xixonés Jesús Castañón. La entrega del premiu va tener llugar el vienres 17 d’avientu a partir de les 19:00h nel local de la Sociedad Cultural Xixonesa allugáu na Escuela Comerciu.

Pin It on Pinterest

Share this
X