Fallu del Premiu Juan Ángel Rubio Ballesteros 2024

La Sociedá Cultural Xixonesa tien el placer d’anunciar que’l Xuráu del Premiu Xuan Ángel Rubio 2024, formáu esti añu por Manuel Antonio Fernández Suárez, Secretariu d’Organización d’UXT de Xixón, Carlos Arias Cancio, Presidente de l’Asociación de Vecinos de La Calzada, Paloma Llanos Pardo, periodista de SER Xixón, Luis Miguel Piñera Entrialgo, Cronista Oficial de la Villa de Xixón, Gladys Vicente Arias, Secretaria de Memoria Histórica y Laicidá del PSOE de Xixón en representación de Maricuela, gallardonada na edición anterior y Antonio Rubio Díaz-Tendero, como representante de la familia Rubio y presidíu por Pedro Roldán García, presidente de la Sociedá Cultural Xixonesa, decidió otorgar por unanimidá esti gallardón, que honra la memoria d’un de los nuestros presidentes más renomaos, a Javier Arjona, de l’asociación Soldepaz Pachakuti.

Pa los miembros del xuráu, Javier Arjona representa’l trabayu incansable, valiente y humilde polos derechos humanos, non solo nel ámbitu local sinón principalmente en rellación con conflictos internacionales, siempre a favor del más débil. Esti premiu tien un significáu especial puesto que’l gallardonáu destacó a lo llargo de los años y más entá nesti momentu tan dramáticu, pola llucha n’apoyu al pueblu palestín.

El gallardón ye obra del perconocíu artista xixonés Jesús Castañón.

La entrega del premiu va tener llugar el vienres 13 d’avientu a partir de les 19:00 hores nel local de la Sociedá Cultural Xixonesa allugáu na Escuela de Comerciu.

Primero, va entamase un pequeñu homenaxe a los socios y socies que lleven 50 años participando na nuestra entidá.

 

Pin It on Pinterest

Share this
X