El galardón obra del artista xixonés Jesús Castañon, va entregase esti vienres 16 d’avientu nun actu nel local de la Sociedá Cultural Xixonesa na Escuela Comerciu.
El xuráu del Premiu Juan Ángel Rubio Ballesteros decidió premiar nesta XXIX edición a la figura de José Pérez Miranda “Pichi”. El xuráu, compuestu por Juan Ponte, conceyal de cultura del Conceyu de Mieres, Begoña Piñero Hevia de la conxusta feminista Les Comadres, Rubén García exdirectivo y sociu de la Sociedá Cultural Xixonesa, Sara Combarros activista del colectivu Asamblea Moza de Asturies (AMA) , y Antonio Rubio en representación de la familia Rubio y Blanca Cañedo per Mar de Niebla entidá ganadora na última edición, valoró l’importante compromisu militante y humanu de Pichi, una figura imprescindible pa entender la llucha del movimientu obreru na nuestaa ciudá a lo llargo de décades. Esti galardón pretende reconocer y dignificar la llucha, compromisu y sacrificiu d’una persona históricamente venceyada al movimientu sindical na nuestra ciudá y a la defensa de los derechos políticos y civiles como los de la llibertá d’espresión, de fuelga y de manifestación. El premiu va entregase’l vienres 16 d’Avientu a les 19:00 hores nel local de la Sociedá Cultural Xixonesa, na segunda planta de la Escuela Comerciu y va ser obra del conocíu artista xixonés Jesús Castañon.