Pedro Roldán Garcia, Presidente de la Sociedad Cultural Gijonesa y Alejandro Díaz Castaño Director del FICX roblaron esti llunes un conveniu de collaboración ente dambes entidaes col envís de desarrollar actividaes venceyaes a la promoción de la cultura cinematográfica na nuestra ciudá. Tala collaboración va consistir na programación de películes y meses redondes dientro’l marcu del festival de cine de 2021 y na organización y promoción del FICX.
El FICX y la Sociedad Cultural Gijonesa vienen trabayando a comuña cuantayá y ye un modelu de collaboración ente entidaes de la sociedá civil y organismos municipales enfotaos na difusión de la cultura y del pensamientu críticu en Xixón.