- El Festival Internacional de Cine de Xixón y la Sociedá Cultural Xixonesa anoven el so compromisu con esti programa de películes non recientes tres la esitosa acoyida de la primer edición.
- El ciclu de doce películes va entamar esti sábadu 28 de xineru cola proyección de El Espíritu de la colmena y la presencia del Director d’Arte de esta película, el también cineasta Jaime Chávarri.
- Cine Club 60 va allongase hasta’l 7 de ochobre y va allugase na Antigua Escuela Comercio de Xixón, con entrada llibre hasta completar aforu.
La Sociedá Cultural Xijonesa y el FICX van inaugurar el próximu sábadu 28 de xineru la segunda edición del programa de proyecciones y presentaciones Cine Club 60. Celebráu la primera vegada nel marcu del 60 aniversariu del Festival Internacional de Cine de Xixón, esti ciclu de películes non recientes, que l’añu pasáu recibió una gran acoyida del públicu, va cuntar con obres cinematográfiques firmaes por cineastes de la talla de Roberto Rosellini, John Ford, Alfred Hitchcock o Francis Ford Coppola, ente otros.
La iniciativa, que supón un xestu al formatu de cine club que permitió celebrar la primer edición del Festival nel añu 1963, busca afalar el conocimientu del cine del pasáu y ufrir espacios pa la xeneración del pensamiento críticu a traviés del llinguaxe cinematográficu.
El programa acueye doce películes en versión orixinal subtitulada que van proyectase nel Salón d’Actos de la Antigua Escuela Comercio hasta’l próximu 7 d’ochobre. Delles d’estes cites van contar con alcuentros especiales col públicu. El primeru va ser col director y guionista Jaime Chávarri que va presentar esti sábadu 28 “El espíritu de la colmena”(Víctor Erice,1973), película de la que foi Director Artísticu. Al tiempu, el comentarista cinematográficu y ex-director del ICAA Miguel Marías, va repetir presencia nel ciclu presentando “El río” (Jean Renoir, 1951) el sábadu 23 de setiembre.
Cine Club 60 entámenlo la Sociedá Cultural Xixonesa y Divertia Gijón S.A. a traviés del FICX, en collaboración cola Fundación Municipal de Cultura, Educación y Universidá Popular de Xixón, les XVIII Xornaes contra’l racismu y la xenofobia de Xixón, la Tertulia Feminista Les Comadres y la Sociedá Cultural GESTO.