La Sociedá Cultural Xixonesa y el FICX anuncien la cuarta edición del ciclu de clásicos cinematográficos, Cine Club 60. El programa de proyecciones y presentaciones va dar empiezu’l próximu 9 de marzu y va estendese hasta finales de mayu ufiertando un total de trelce películes non recién d’aclamaos cineastes ente los que s’atopen, ente otros, Billy Wilder, Alfred Hitchcock, Jean-Luc Godard, Ingmar Bergman, Orson Welles, Fred Zinnemann y Chantal Akerman, que la so película Jeanne Dielman, 23, quai du Commerce, 1080 Bruxelles, que se va proxectar durante’l ciclu, foi catalogada pola prestixosa revista Sight & Sound como la meyor película de la hestoria del cine, según la votación de críticos y cineastes de too el mundu.
El ciclu nel que collaboren la Filmoteca Española, Goethe Institut, XESTU, les Xornaes contra’l Racismu y la Xenofobia y la Tertulia Feminista de Xixón Comadres, repiti programando una película sorpresa y va cuntar con un alcuentru especial cola directora de la Filmoteca Española, Valeria Camporesi. Coles mesmes, el prestixosu escritor y críticu de cine Miguel Maríes volverá visitar Xixón nel marcu del Cine Club 60 para presentar una de les obres.
Les películes, van proyectase nel Salón d’Actos de l’Antigua Escuela de Comercio, con entrada libre hasta completar aforo