La Sociedad Cultural Gijonesa convoca la XXIX edición del Premiu Juan Ángel Rubio Ballesteros col envís de distinguir a una persona o colectivu que, venceyáu a Asturies, defendiera los sentimientos de respetu a los derechos humanos, calteniendo’l principiu básicu d’igualdá y defendiendo los conceptos éticos y morales que dignifiquen a la persona. L’espíritu d’esti premiu, que tien calter añal, ye facer públicu’l llabor de persones o entidaes que, entregaes a la colectividá, lluchen por algamar el suañu d’una sociedá más xusta, llibre y igualitaria.

CONVOCATORIA DEL AÑU 2022

Va poder optar al premiu cualaquier persona o colectivu que presentara candidatura na sé  de la Sociedad (C/ Tomás y Valiente, 1 2º planta 33201 Xixón) o na dirección de corréu info@culturalgijonesa.org primero de les 19:00h del vienres 9 d’avientu del añu en cursu. El xuráu va ser designáu pola Sociedad Cultural Gijonesa ente persones relevantes nel ámbitu de la cultura y los movimientos sociales. El fallu del xuráu va ser inapelable. La entrega del premiu va facese’l vienres 16 d’avientu nel intre del tradicional actu festivu que s’entama pal 54 aniversariu de la fundación de la Sociedad Cultural Gijonesa.

Pin It on Pinterest

Share this
X