76 ANIVERSARIU LLIBERACIÓN

CAMPU DE CONCENTRACIÓN DE MAUTHAUSEN

El prósimu sábadu, día 15 de mayu, a les 12:00h, entamao pol Atenéu Obreru de Xixón, la Loxa “Rosario Acuña” (GOdF), la Cultural, la Tertulia Feminista Les Comadres y FAMYR (Federación Asturiana Memoria y República), va tener llugar una ofrenda floral énte’l monolitu, allugáu na Sienda’l Cervigón, n’alcondanza de les víctimes asturianes de los Campos de Concentración Nazis.

Nel actu van intervenir: per parte de la Cultural, Ovidio Álvarez Rozada (directivu de la entidá); per parte de FAMYR, Rafael Velasco (presidente de la Federación Asturiana Memoria y República) y per parte del Atenéu Obreru de Xixón, Pedro Timón (sociu de la entidá y autor del documental “Víctor Cueto. No 3438”).

P’acabar, Rosa Rodríguez y Manuel Martínez, integrantes del Grupu Eleuterio Quintanilla, van lleer los nomes de les 31 persones xixoneses deportaes a campos de concentración.

HOMENAXE A ROSARIO DE ACUÑA

El sábadu que vien, día 15 de mayo, a las 13:00h, na Sienda’l Cervigón (Xixón), énte la que fuera casa de Rosario de Acuña, la Loxa “Rosario Acuña”, l’Atenéu Obreru de Xixón, la Sociedá Cultural Xixonesa, Tertulia Feminista Les Comadres y FAMYR van rendir un homenaxe a la escritora y llibrepensadora Rosario de Acuña.

Igual qu’otros años, a primeros de mayo la Loxa “Rosario Acuña” rinde homenaxe a esta llibrepensadora na que fuera la so casa, xunto a la xixonesa sienda’l Cervigón. Rosario de Acuña ye una escritora na que podemos alcontrar  un carácter de progresu que, xunto coles sos convicciones republicanes y la so apasionada defensa de los derechos de la muyer, la llibertá y l’humanismu, daben a traye-y  abondes torgues a lo llargo la so vida.

Nel actu van intervenir: per parte de la Tertulia Feminista Les Comadres, Paz Fernández Felgueroso (ex alcaldesa de Xixón); per parte de la  Cultural, Eva Fernández (vicepresidenta de la entidá) y per parte del Atenéu Obrero de Xixón, Ana Castaño (socia y conceyala d’IX n’anterior corporación).

Na celebración de toles dos actividaes va ser obligatoriu l’usu de mazcarina y caltener la distancia de seguridá ente los asistentes.

Pin It on Pinterest

Share This
X