La Sociedá Cultural Xixonesa convoca la XXVIII edición del Premiu Juan Ángel Rubio Ballesteros col envís de distinguir a una persona o colectivu que, venceyáu a Asturies, defendiera los sentimientos de respetu a los derechos humanos, preservando el principiu básicu d’igualdá y defendiendo los conceptos éticos y morales que dignifiquen a la persona.

L’espíritu d’esti premiu, que tiene calter añal, ye facer públicu’l llabor de persones o entidaes que, entregaes a la colectividá, lluchen por algamar el suañu de una sociedá más xusta, llibre ya igualitaria.

CONVOCATORIA DEL AÑU 2021

Va poder optar al premiu cualaquier persona o colectivu que presentara candidatura na Sociedá Cultural Xixonesa (C/ Tomás y Valiente, 1 2º planta) o sociedadculturalgijonesa@gmail.com primero de les 19:00h del martes 7 d’avientu del añu en cursu.

El xuráu va  designalu la Sociedá Cultural Xixonesa ente persones relevantes nel ámbitu de la cultura y los movimientos sociales.

El fallu del xuráu va ser inapelable.

La entrega del premiu va tener llugar el vienres 17 d’avientu nel trescursu del tradicional actu festivu que s’organiza con motivu del 53 aniversariu de la fundación de la Cultura.

Pin It on Pinterest

Share This
X