Presenta:
JUAN PONTE, Director de l’Axenda 2030 del Principáu d’Asturies

Ganador del II Premiu Utopíes que caben nel BOE, “Algo que fiximos xuntos” axunta narración y ensayu pa imaxinar una España na que la sociedá participa de forma activa nun serviciu civil obligatoriu y universal. Esti sistema de “guardies” afronta los grandes retos del nuestru tiempu: la crisis climática, la degradación ambiental, la salú pública o el cuidáu de les persones.

Al traviés d’un dispositivu narrativu singular, el llibru espliega una propuesta política concreta y ambiciosa: repensar el papel del Estáu y la ciudadanía pa dar respuesta a problemes que yá nun pueden abordase de manera individual, reflexonando sobre’l valor de lo común y la necesidá de reconstruyir vínculos de fraternidá en sociedaes cada vez más dixebraes.