La Sociedá Cultural Xixonesa y el FICX anuncien la presentación de la tercer edición del Cine Club 60. Un añu más, esti ciclu de películes clasiques va contar con obres cinematográfiques firmaes por dellos cineastes renomaos de la historia del séptimu arte, directores de la talla de Max Ophüls, Woody Allen, Charles Chaplin, Luis Buñuel, Stanley Kubrick o Ernest Lubitsch ente otros. El programa va acoyer una dolcena de películes en versión orixinal subtitulada que se van proyectar dende les 19 hores nel Salón d’Actos de la Escuela Comercio ente’l 20 de xineru y el 7 d’ochobre. Al tiempu, delles proyecciones van cuntar con alcuentros especiales col públicu. Esta nueva edición del Cine Club 60 va percorrer dende’l cine mudu alemán más esperimental de los años 20 hasta’l Manhattan de Woody Allen de finales de los años 70 pasando pel western, el cine negru o la comedia clásica de Ophüs o Lubitsch y va cuntar cola collaboración d’asociaciones de la nuestra ciudá como la tertulia feminista “Les Comadres”, el Colexu Oficial d’Arquitectos d’Asturies o la Sociedá Cultural Gesto. Toles proyecciones van ser d’entrada llibre hasta completar l’aforu.
VUELVE A XIXÓN EL MEYOR CINE CLÁSICU DE LA MANO DE LA CULTURAL Y EL FICX NUNA NUEVA EDICIÓN DEL CINE CLUB 60
